博客西藏在最高处过一种生活

日志

2017ལོའི་སྐབས་བཅུ་བའི་མཚོ་སྔོན་པོའི་གསེར་ཉ ...

已有 63 次阅读2017-7-6 07:38 |系统分类:娱乐


                      2017ལོའི་སྐབས་བཅུ་བའི་མཚོ་སྔོན་པོའི་གསེར་ཉ་ཚེ་ཐར་གཏོང་བའི་དུས་ཆེན་གྱི་འགོ་ཚུགས་པ།
                                              ཡོང་ཁུངས།   ཀྲུང་གོ་བོད་ཀྱི་དྲ་བ།


                 

                           

      ཀྲུང་གོ་བོད་ཀྱི་དྲ་བའི་འཕྲིན། ཟླ7པའི་ཚེས5ཉིན། “མི་རིགས་མཐུན་སྒྲིལ་གྱིས་འཆམ་མཐུན་ལ་སྐུལ་འདེད་དང་། སྐྱེ་ཁམས་སྲུང་སྐྱོང་གིས་འཕེལ་རྒྱས་ལ་སྐུལ་སྤེལ་གཏོང་བ” བརྗོད་གཞི་ཡིན་པའི་སྐབས་བཅུ་པའི་མཚོ་སྔོན་པོའི་གསེར་ཉ་ཚེ་ཐར་གཏོང་བའི་དུས་ཆེན་མཚོ་བྱང་བོད་རིགས་རང་སྐྱོང་ཁུལ་རྐང་ཚ་རྫོང་འོམ་ཆུ་གྲོང་རྡལ་གྱི“གསེར་ཉའི་ཁྱིམ་གཞི”རུ་གཟབ་རྒྱས་ངང་འགོ་ཚུགས་པ་རེད།

      ཐེངས་འདིའི་བྱ་འགུལ་ནི་ཞིང་ཆེན་ཞིང་ཕྱུགས་ཐིང་དང་མཚོ་བྱང་ཁུལ་སྲིད་གཞུང་གིས་གཙོ་གཉེར་དང་། རྐང་ཚ་རྫོང་ཨུ་དང་རྫོང་སྲིད་གཞུང་གིས་འགན་སྒྲུབ་བྱས་པ་རེད།  བྱ་འགུལ་གྱི་ཡུལ་དངོས་སུ་ཚོགས་ཞུགས་སྐུ་མགྲོན་དང་། ཕྱི་ཕྱོགས་ཀྱི་གནས་སྐོར་བ། དེ་མིན་ད་དུང་མང་ཚོགས་ཁྲི་ལྷག་ཙམ་གྱིས་གསེར་ཉ་ཁྲི60འོམ་ཆུ་ནང་ཚེ་ཐར་དུ་བཏང་། ཤེས་རྟོགས་བྱུང་བར་གཞིགས་ན། ད་ལོར་གསེར་ཉ་ཁྲི1100ཚེ་ཐར་དུ་བཏང་ཡོད་པ་རེད།

      རྐང་ཚ་རྫོང་གིས་རིག་གནས་གནས་སྐོར་ལས་རིགས་འཕེལ་རྒྱས་ཀྱི་གོམ་སྟབས་ཇེ་མགྱོགས་སུ་གཏོང་བ་དང་།  རྐང་ཚའི་ཁྱད་དུ་འཕགས་པའི་་རིག་གནས་གནས་སྐོར་ཐོན་ཁུངས་འགྲེམས་སྟོན་བྱེད་པ། བོད་གྲོང་རྐང་ཚའི་རིག་གནས་གནས་སྐོར་གྱི་ཚོང་རྟགས་བསྐྲུན་པ་དང་ལས་བཟོ་མང་ཚོགས་ཀྱི་རིག་གནས་འཚོ་བ་ཕུན་སུམ་ཇེ་ཚོགས་སུ་གཏོང་ཆེད། ད་ལོའི་གསེར་ཉ་ཚེ་ཐར་གཏོང་བའི་དུས་ཆེན་ཐོག་ད་དུང་ཚངས་དབྱངས་རྒྱ་མཚོའི་སྙན་ངག་རོལ་དབྱངས་འདུ་ཚོགས་དང་། མི་སྟོང་གི་སྐོར་བྲོའི་འགྲན་བསྡུར་ཆེན་མོ། ལ་གཞས་འགྲན་བསྡུར། རྟ་རྒྱུག་སོགས་རྣམ་གྲངས་མང་པོ་བཙུགས་ཡོད་ལ། རྐང་ཚ་རྫོང་གི་ཐུན་མོང་མ་ཡིན་པའི་གནས་སྐོར་ཐོན་ཁུངས་དང་ཡུལ་སྲོལ་གོམས་གཤིས་དེ་དུས་ཆེན་གྱི་ཐོག་མཐའ་བར་གསུམ་དུ་སྦྲེལ་ཡོད་པར་བརྟེན་བརྗོད་གཞི་མངོན་གསལ་ཡིན་ལ་ནང་དོན་ཕུན་སུམ་ཚོགས་པ། ཁྱབ་རྒྱ་ཆེ་བས་ས་གནས་ཁག་གི་གནས་སྐོར་བར་ལྟད་མོ་གྱ་ནོམ་པ་ཞིག་བཀྲམས་པ་དང་ཆབས་ཅིག་ཏུ། སྤྱི་ཚོགས་ཡོངས་ཀྱིས་ཉ་ལས་སོགས་སྐྱེ་ཁམས་ཐོན་ཁུངས་སྲུང་སྐྱོང་གི་འདུ་ཤེས་སྔར་བས་ཇེ་ཆེར་གཏོང་བ་དང་། མི་རིགས་ཀྱི་དམངས་སྲོལ་རིག་གནས་རྒྱུན་འཛིན་དང་དར་སྤེལ་གཏོང་བ། རྒྱལ་ཡོངས་ཀྱི་མི་རིགས་མཐུན་སྒྲིལ་གྱི་དཔེ་སྟོན་རྫོང་འཛུགས་པའི་གྲུབ་འབྲས་སྲ་བརྟན་དུ་གཏོང་བ་བཅས་ལ་དོན་སྙིང་གལ་ཆེན་ལྡན་པ་རེད། །

      ཞེས་རོང་ཆེན་ལྷ་རྒྱལ་དཔལ་ཀྱིས་ཀྲུང་གོ་བོད་ཀྱི་དྲ་བ་ལས་བཏུས་སོ།





评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2017-9-21 18:23 , Processed in 0.271500 second(s), 21 queries .

返回顶部