博客西藏在最高处过一种生活

日志

༄༅།།མཚོ་སྔོན་གྱིས་བརླན་ས་ཚང་མ་སྲུང་སྐྱོབ ...

已有 66 次阅读2017-7-6 07:29 |系统分类:娱乐


                                       ༄༅།།མཚོ་སྔོན་གྱིས་བརླན་ས་ཚང་མ་སྲུང་སྐྱོབ་ཁྱབ་ཁོངས་སུ་བཞག་པ།
                                                ཡོང་ཁུངས། ཀྲུང་གོ་བོད་ཀྱི་དྲ་བ། 

                                      

      ཀྲུང་གོ་བོད་ཀྱི་དྲ་བའི་འཕྲིན།  བརླན་ས་ནི་སའི་གོ་ལའི་སྟེང་སྐྱེ་དངོས་སྣ་མང་རང་བཞིན་ཆེས་འདུ་ས་ཡིན་ལ། ནམ་ཟླ་སྙོམས་སྒྲིག་དང་སྐྱེ་ཁམས་དོ་དམ་སྲུང་སྐྱོང་ལ་བྱེད་ནུས་གལ་ཆེན་འདོན་བཞིན་ཡོད། མཚོ་སྔོན་ཞིང་ཆེན་གྱི་བརླན་སའི་རྒྱ་ཁྱོན་ལ་སྤྱི་ཆིང་ཁྲི814.36ཡོད་པ་དང་དེས་ཀྲུང་གོའི་བརླན་སའི་སྤྱིའི་རྒྱ་ཁྱོན་གྱི15.19%ཟིན་པ་དང་ཀྲུང་གོའི་ཞིང་ལྗོངས་ཁག་གི་ཨང་དང་པོར་སླེབས་ཡོད། བརླན་སའི་ཐོན་ཁུངས་ཕུན་སུམ་ཚོགས་པ་དང་རིགས་སྣ་མང་བས་གོ་ལ་ཧྲིལ་བོར་ཤུགས་རྐྱེན་ཆེས་ཆེ་བའི་སྐྱེ་ཁམས་སྙོམས་སྒྲིག་ས་ཁུལ་དུ་གྱུར་ཡོད།

      མཚོ་སྔོན་ཞིང་ཆེན་ནགས་ལས་ཐིན་གྱི་ཐིན་ཀྲང་གཞོན་པ་ཝང་ཨིན་ཀོང་གིས་མཚམས་སྦྱོར་བྱས་པ་ལྟར་ན། མཚོ་སྔོན་གྱིས་བརླན་ས་ཚང་མ་སྲུང་སྐྱོབ་ཁྱབ་ཁོངས་སུ་བཞག་རྗེས། བརླན་སའི་བཀོལ་སྤྱོད་ཚད་བཀག་དང་སྤྱི་གྲངས་ལ་ཚོད་འཛིན་བྱེད་པ་བརྒྱུད་བརླན་སའི་རྒྱ་ཁྱོན་ཇེ་ཆུང་དང་བྱེད་ནུས་ཇེ་དམའ་རུ་མི་འགྲོ་བར་ཁག་ཐེག་བྱས་ཏེ། བརླན་སའི་སྐྱེ་ཁམས་བྱེད་ནུས་ཇེ་ཆེར་གཏོང་བ་དང་བརླན་སའི་སྐྱེ་དངོས་སྣ་མང་རང་བཞིན་ལ་སྲུང་སྐྱོང་བྱས་ཏེ་ཕྱོགས་ཡོངས་ནས་བརླན་སར་སྲུང་སྐྱོང་དང་བསྐྱར་གསོའི་ཆུ་ཚད་མཐོར་འདེགས་སུ་གཏོང་རྒྱུ་ཡིན་ཟེར།

      འཆར་གཞི་ལྟར་ན། 2020ལོར་ཞིང་ཆེན་ཡོངས་ཀྱི་བརླན་སའི་རྒྱ་ཁྱོན་མུའུ་དུང་ཕྱུར1.2ལས་མི་དམའ་བ་དང་བརླན་སར་སྲུང་སྐྱོབ་བྱེད་ཚད65%ཡན་ལ་སླེབས་རྒྱུ་རེད། དེར་མ་ཟད་སྐྱེ་ཁམས་ས་ཁོངས་དང་སྐྱེ་ཁམས་མ་ལག་གི་བྱེད་ནུས། སྐྱེ་དངོས་སྣ་མང་རང་བཞིན་བཅས་ལ་གཞིགས་ཏེ། མཚོ་སྔོན་ཞིང་ཆེན་ནང་ཁུལ་གྱི་བརླན་ས་དེ་རྒྱལ་ཁབ་ཀྱི་གཙོ་གནད་བརླན་ས་དང་ཞིང་ཆེན་རིམ་པའི་གཙོ་གནད་བརླན་ས། སྤྱིར་བཏང་བརླན་ས་བཅས་སུ་དབྱེ་ནས་འགུལ་སྐྱོད་དོ་དམ་བྱ་རྒྱུ་རེད།

རྒྱུས་ལོན་པ་ལྟར་ན། 2017ལོ་ནས2019ལོའི་བར་དུ་མཚོ་སྔོན་ཞིང་ཆེན་གྱིས་མཚོ་སྔོན་པོའི་བྱ་གླིང་དང་། མཚོ་སྐྱ་རེངས། མཚོ་སྔོ་རེངས་བཅས་རྒྱལ་སྤྱིའི་གཙོ་གནད་བརླན་སར་བསྡོམས་པས་མ་དངུལ་སྒོར་དུང་ཕྱུར1.7527བཏང་ནས་བརླན་སའི་སྐྱེ་ཁམས་བསྐྱར་གསོ་སོགས་ཀྱི་བཟོ་འགོད་ལག་བསྟར་བྱ་རྒྱུ་རེད།  །

      ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོ་བོད་ཀྱི་དྲ་བ་ལས་བཏུས་སོ།


评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2017-9-19 21:37 , Processed in 0.446292 second(s), 21 queries .

返回顶部