日志

༄༅།།ད་ལོའི་ཟླ12པའི་ཟླ་སྨད་ནས་བཟུང་མཚོ་སྔོ ...

热度 1已有 789 次阅读2016-11-17 10:00 |系统分类:传媒


                           ༄༅།།ད་ལོའི་ཟླ12པའི་ཟླ་སྨད་ནས་བཟུང་མཚོ་སྔོན་བོད་ཁུལ་དུ་རླངས་འཁོར་
                                   ཁ་ལོ་བའི་བོད་སྐད་རྒྱུགས་གཞི་མ་ལག་ལག་བསྟར་བྱ་རྒྱུ་རེད།
                                         ཡོང་ཁུངས།  ཀྲུང་གོའི་བོད་ཀྱི་དྲ་བ།


                         
   

       ཀྲུང་གོ་བོད་ཀྱི་དྲ་བའི་འཕྲིན། ཟླ11པའི་ཚེས15ཉིན། གསར་འགོད་པས་མཚོ་སྔོན་ཞིང་ཆེན་སྤྱི་བདེ་ཐིན་ནས་རྒྱུས་ལོན་པ་ལྟར་ན། སྔར་ལས་ལྷག་པའི་སྒོ་ནས་མཚོ་སྔོན་ཞིང་ཆེན་གྱི་སྤྱི་བདེ་འགྲིམ་འགྲུལ་དོ་དམ་སྡེ་ཁག་གི་ཞབས་ཞུ་ཆུ་ཚད་ཇེ་མཐོར་གཏོང་བ་དང་། མཚོ་སྔོན་གྱི་བོད་རིགས་མང་ཚོགས་ཀྱིས་རླངས་འཁོར་ཁ་ལོ་བའི་འཛིན་ཡིག་ལེན་སྐབས་སྐད་ཡིག་ཐད་ཀྱི་དཀའ་ངལ་ཐག་གཅོད་བྱེད་ཆེད། མཚོ་སྔོན་ཞིང་ཆེན་སྤྱི་བདེ་ཐིན་འགྲིམ་འགྲུལ་ཉེན་རྟོག་སྤྱི་ཁྱབ་རུ་ཁག་དང་ཆེད་ལས་ལག་རྩལ་རུ་ཁག་གིས་མཉམ་འབྲེལ་བྱས་ནས་རླངས་འཁོར་ཁ་ལོ་བའི་བོད་སྐད་ཀྱི་རྒྱུགས་གཞི་མ་ལག་གསར་སྤེལ་བྱས་པ་མ་ཟད། མཚོ་ལྷོ་བོད་རིགས་རང་སྐྱོང་ཁུལ་དུ་དངོས་སུ་བེད་སྤྱོད་བྱེད་འགོ་བརྩམས། ད་ལོའི་ཟླ12པའི་ཟླ་མཇུག་ནས་བཟུང་ཞིང་ཆེན་ཡོངས་ཀྱི་བོད་ཁུལ་དུ་ཕྱོགས་ཡོངས་ནས་བོད་རིགས་མང་ཚོགས་ཀྱི་རླངས་འཁོར་ཁ་ལོ་བའི་བོད་སྐད་ཡིག་གི་རྒྱུགས་གཞི་མ་ལག་ལག་བསྟར་བྱ་རྒྱུ་རེད།

       རྒྱུས་ལོན་པ་ལྟར་ན། ཞིང་ཆེན་ཡོངས་ཀྱི་རླངས་འཁོར་ཁ་ལོ་བའི་བོད་སྐད་ཡིག་གི་རྒྱུགས་གཞི་མ་ལག་ནི་ཞིང་ཆེན་སྤྱི་བདེ་ཐིན་འགྲིམ་འགྲུལ་ཉེན་རྟོག་སྤྱི་ཁྱབ་རུ་ཁག་གིས་བོད་ཁུལ་མང་ཚོགས་ཀྱིས་རླངས་འཁོར་ཁ་ལོ་བའི་འཛིན་ཡིག་ལེན་པའི་གོ་རིམ་ཁྲོད་རྒྱ་སྐད་མི་ཤེས་བ་དང་། རྒྱུགས་ཚན་དང་པོ་དང་རྒྱུགས་ཚན་གསུམ་པའི་བདེ་འཇགས་དཔལ་ཡོན་རྒྱུན་ཤེས་ཀྱི་རྒྱུགས་ལེན་དཀའ་བ། རྒྱུགས་འཕྲོད་ཚད་དམའ་བ་སོགས་ཀྱི་གནད་དོན་ཐག་གཅོད་ཆེད་གསར་སྤེལ་བྱས་པ་ཡིན། མ་ལག་འདི་ནི་ད་ལྟར་ཡོད་པའི་རྒྱུགས་གཞིའི་མ་ལག་གི་རྨང་གཞི་སྟེང་། རྒྱུགས་གཞི་རྒྱ་བོད་སྐད་གཉིས་སུ་བསྒྱུར་ཡོད་པ་མ་ཟད། ས་གནས་ཀྱི་བོད་སྐད་སྐད་སྦྱོར་བྱས་པའི་རྒྱུགས་གཞི་ཞིག་ཡིན་པས། གོ་སླ་བ་དང་སྦྱང་སླ་བ། དྲི་ལན་འདེབས་བདེ་བའི་ཁྱད་ཆོད་ལྡན། རྒྱུགས་གཞིའི་ནང་དོན་ཁྱབ་ཆེ་ལ་པར་རིས་དང་ཡི་གེ་ཟུང་དུ་སྦྲེལ་བ་དང་སྐད་ཆའི་བརྗོད་སྟངས་གནད་ཏུ་འཁེལ་ཡོད། སློབ་སྦྱོང་དང་རྒྱུགས་ལེན་སྐབས་བཀོལ་སྤྱོད་བདེ་བ་དང་ཚིག་སྦྱོར་བདེ་བས་རྒྱུགས་གཞི་མ་ལག་འདིས་མི་གཤིས་ཅན་གྱི་ཇུས་འགོད་འདུ་ཤེས་མངོན་པར་མཚོན་ཡོད།  །

       ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོའི་བོད་ཀྱི་དྲ་བ་ལས་བཏུས་སོ།


发表评论 评论 (3 个评论)

回复 pari 2016-11-18 23:47
མཆོད་རྫས་རི་བོ་འདྲ་ཙམ་ཕུལ་ཡང་ཆོས་སུ་མི་འགྲོ་མ་ཟད་ཁོར་ཡུག་དང་དཔལ་འབྱོར་སོགས་ལ་གནོད་སྐྱོན་ཚབས་ཆེན་ཕོག་ངེས་རེད།།
回复 ljh8520035 2016-11-19 09:22
pari 2016-11-18 23:47
མཆོད་རྫས་རི་བོ་འདྲ་ཙམ་ཕུལ་ཡང་ཆོས་སུ་མི་འགྲོ་མ་ཟད་ཁོར་ཡུག་དང་དཔལ་འབྱོར་སོགས་ལ་གནོད་སྐྱོན་ཚབས་ཆེན་ཕོག་ངེས་རེད།།

回复 pari 2016-11-22 04:12
རྟེན་འབྲེལ་ཞུ།祝贺《塔洛》首映.但是,要指出,主办方面为啥允许个别不良男女,上台往导演,演员脖子上搭垃圾假哈达.主持不是在说要献上洁白哈达吗?这样重要的场合,对图伯特和图伯特人民来说是第一次.你们为啥要这样侮辱图伯特?在这种场合,能携带垃圾假哈达,上前行动者,不是一般人。再,1.是主办者,主持人的严重失责。2.携带垃圾假哈达的人们的罪过,绝对不能原谅。这种恶劣举止,搞的导演演员很为难,如果不接收垃圾假哈达,好像是不尊重对方。问题就在这里,有些贱人就是利用这“为难情绪”,在重大场合,推销假货,胡搞乱来,或达到他们自己和主子的目的。

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2020-5-25 22:28 , Processed in 0.053150 second(s), 21 queries .

返回顶部