日志

༄༅།།བློ་བཟང་ལྷུན་གྲུབ་རྡོ་རྗེ་ལགས་དང་མདོ ...

热度 1已有 651 次阅读2016-9-5 10:03 |系统分类:环保


              ༄༅།།བློ་བཟང་ལྷུན་གྲུབ་རྡོ་རྗེ་ལགས་དང་མདོ་དབུས་མཐོ་སྒང་གི་སྐྱེ་ཁམས་སྲུང་འཛིན་དང་རི་ཆུ་རིག་གནས་ཞིབ་འཇུག
                                               ཡོང་ཁུངས། ཀྲུང་གོ་བོད་ཀྱི་དྲ་བ།

                                               

       རབ་དཀར་གངས་རི་ལྷུན་པོའི་ཕྲག་ནས་ལུང་རིག་གི་རལ་པ་གྱེན་དུ་གསིལ་བའི་དུས་ཀྱི་སེངྒེ་དཀར་མོའི་ལྷག་བསམ་གྱི་རང་མདངས་ཁ་བའི་ལྗོངས་སུ་མངོན་ཞིང་། གངས་རི་ལ་དུང་བའི་རྣམ་དཔྱོད་ཀྱི་གངས་ལྷ་མེ་ཏོག གངས་ལྗོངས་རིག་པའི་དགའ་ཚལ་དུ་བཞད་དེ།  དཔའ་ངར་དང་སྙིང་སྟོབས་ཀྱི་གསོན་ཤུགས་བརྟས་པའི་ཆུ་བར་བརྟན་པོས། བློ་གྲོས་དང་སྤོབས་པའི་རྩལ་ཡོངས་སུ་རྫོགས་ཤིང་། རྣམ་དག་རིག་པའི་འོད་ཕྲེང་འཐོར་པའི་གེ་སར་གསར་པའི་དོག་པ་རེ་རེའི་རང་བྱུང་སྐྱེ་ཁམས་དང་ཁོར་ཡུག་གིས་གསང་བའི་ཤེས་བྱ་རེ་རེ་ལྷུག་པར་དགྲོལ་ཞིང་། མཁྱེན་རབ་ཀྱི་མཐུ་མངའ་བའི། གངས་ལྗོངས་རིགས་པ་སྨྲ་བའི་ཁྱུ་མཆོག་བློ་བཟང་ལྷུན་གྲུབ་རྡོ་རྗེ་ནི། སྤྱི་ལོ་1948ལོའི་ཟླ་12པར་ཁ་བའི་ལྗོངས་ཀྱི་ཡུལ་གྲུ། མདོ་སྨད་ས་ཡི་ཐིག་ལེ། མཚོ་སྔོན་འབའ་རྫོང་དུ་སྐུ་འཁྲུངས། ཕྱིས་སུ་ཅི་ལིང་སློབ་ཆེན་ནས་སློབ་མཐར་ཕྱིན་ཏེ་དཔལ་འབྱོར་རིག་པའི་རབ་འབྱམས་པའི་མཚན་གནས་བཞེས། ཁོང་གིས་མི་ཚེའི་བརྒྱུད་རིམ་གྱི་ཁྲོད་ནས། མི་ཚེའི་རིན་ཐང་འཚོལ་བའི་རིག་གནས་དང་སློབ་གསོའི་དུས་འདའ་བའི་རང་སྟོབས་ཀྱི་བསམ་པའི་ཁ་ཕྱོགས་བརྟན་པོར་བཟུང་ནས། ནང་བསམ་པའི་དཔལ་ཡོན་ལ་མཛེས་སྡུག་བཀྲ་བའི་ཕྱི་དངོས་པོའི་དཔལ་ཡོན་དང་བདེ་སྡུག་གིས་སྣང་བའི་ལྟ་བ་གསར་དུ་སྟོན་པའི་རིག་པས་ཚད་དུ་གཞལ་བའི་མངོན་རྟོགས་ཞིབ་འཇུག་པའི་ལས་གནས་བཞེས། མདོ་དབུས་མཐོ་སྒང་གི་རི་ཆུའི་རིག་གནས་དང་ཁོར་ཡུག་སྲུང་སྐྱོང་ལ། རིག་པ་འཕྲུལ་འདེད་ཀྱིས་ལྟ་བའི་རྨང་གཞི་བཟུང་ནས་ནང་ལྡན་འདུས་ཀྱི་ཕུང་པོ་དང་ཕྱི་རི་ཆུ་རྩི་ཤིང་སོགས་ཀྱི་འབྱུང་ཁམས་འདུ་འཕྲོད་ཀྱི་ལྟ་བ་གཏན་ལ་ཕབ་ཏེ། ཤིན་ཏུ་ལྐོག་འགྱུར་གྱི་ཆོས་ཕྱི་ནང་རྟེན་འབྲེལ་གྱིས་སྣང་བའི་རིག་པ་མཐོངས་ཡངས་ཞིང་གཟུར་གནས་མཁས་པའི་ཕ་རོལ་ཏུ་སོན།

                                              དུས་རབས་ལ་ལྟོས་ཏེ་ལས་གནས་ཀྱི་འཕོ་འགྱུར་ཕྱིན་པ།

                             2.jpg

      སྤྱི་ལོ་1978ལོ་ནས་བཟུང་སྔ་རྗེས་སུ་མཚོ་སྔོན་ཞིང་ཆེན་མཚོ་ལྷོ་ཁུལ་བྲག་དཀར་རྫོང་གི་ཧྲུའུ་ཅི་དང་། མཚོ་ལྷོ་ཁུལ་གྱི་ཁུལ་དཔོན་སོགས་ཀྱི་གཙོ་འགན་བཞེས་གནང་བ་དང་། སྤྱི་ལོ་1985ལོའི་འཇུག་ཏུ་ཀྲུང་དབྱང་ཧྲུའུ་ཅི་ཁྲུའུ་ཡི་ཧྲུའུ་ཅི་དང་། རྒྱལ་ཡོངས་གུང་གཞོན་མཉམ་འབྲེལ་ལྷན་ཚོགས་ཀྱི་རྒྱུན་ལས་ཀྲུའུ་ཞི་གཞོན་པ། ཀྲུང་གོ་བོད་རིག་པ་ཞིབ་འཇུག་ལྟེ་གནས་ཀྱི་ཏང་རྩ་འཛུགས་ཀྱི་ཧྲུའུ་ཅི་གཞོན་པ། སྤྱི་ཁྱབ་ལས་འཛིན་པ་གཞོན་པ་བཅས་ཀྱི་འགན་བཞེས་གནང་། སྤྱི་ལོ་1995ལོ་ཟླ་9པ་ནས་བཟུང་སྔ་རྗེས་སུ་ཀན་སུའུ་ཞིང་ཆེན་གྱི་ཞིང་དཔོན་གཞོན་པ་དང་། ཀན་སུའུ་ཞིང་ཆེན་ཏང་ཨུའི་རྒྱུན་ཨུ་དང་། ཞིང་ཆེན་ཏང་ཨུ་སྲིད་ཁྲིམས་ཨུ་ལྷན་གྱི་ཧྲུའུ་ཅི། ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ། ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ། སྐབས་བདུན་པ་དང་བརྒྱད་པའི་རྒྱལ་ཡོངས་སྲིད་གྲོས་ཀྱི་ཨུ་ཡོན། སྐབས་བཅུ་གཅིག་པའི་རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་བཅས་ཀྱི་འགན་བཞེས་གནང་།


                               3.jpg

                                                  གཞན་དོན་གྱི་གོ་ཆ་བགོས་པའི་མཚན་སྙན་སྒྲོན་པ།

      ད་ལྟ་མདོ་དབུས་མཐོ་སྒང་གི་ཞིབ་འཇུག་ཚོགས་པ་དང་། ཀྲུང་ཧྭ་རྒྱལ་ཡོངས་ཁོར་ཡུག་སྲུང་སྐྱོབ་མཉམ་འབྲེལ་ལྷན་ཚོགས་ཀྱི་རྒྱུན་ལས་བཅས་ཀྱི་འགན་བཞེས་པར་མ་ཟད། ལན་ཀྲུའུ་སློབ་ཆེན་དང་། ནུབ་བྱང་མི་རིགས་སློབ་ཆེན། ཡུན་ནན་མི་རིགས་སློབ་ཆེན། མཚོ་སྔོན་མི་རིགས་སློབ་ཆེན་སོགས་ཀྱིས་གདན་ཞུའི་སློབ་དཔོན་ཆེན་མོའི་མཚན་གནས་བཞེས་ཏེ། སློབ་མ་ཁྲི་ཕྲག་མང་པོར་རིག་གནས་དང་། སློབ་གསོའི་བཅུད་ཀྱི་གསོས་ཏེ་ཡོན་ཏན་གྱི་ཐུགས་རྒྱུད་ཕྱུག་པའི་ཤེས་ལྡན་མི་སྣ་རུ་གསོ་སྐྱོང་གནང་བ་དང་། མི་ཚེའི་དཀའ་སྡུག་མཐའ་དག་བདག་གིར་བྱས་ཤིང་། དུས་དང་རྣམ་པ་ཀུན་ཏུ་མི་རིགས་སློབ་གསོའི་ཕྱོགས་ལ་རང་གི་སྟོབས་ཤུགས་མཐའ་དག་འབུལ་བར་དམ་བཅས་ཏེ། སྙིང་སྟོབས་དགུ་འགྱུར་གྱི་སྤོབས་པའི་རི་མོ་མི་འགྱུར་སྙིང་གི་དབུས་སུ་བྲིས།

                               4.jpg


                                  ལྷག་བསམ་གྱི་མཛད་རྗེས་ཟུངས་ཁྲག་གིས་བསྐྲུན་པའི་རིག་པའི་འོད་ཟེར་ལན་སྟོང་འཁྱིལ་བ།

                               5.jpg

      བགྲང་བྱ་བཅུ་ཕྲག་གི་རིང་ལ། ཁོང་གིས་མདོ་དབུས་མཐོ་སྒང་གི་སྐྱེ་ཁམས་ཁོར་ཡུག་སྲུང་སྐྱོབ་ཞིབ་འཇུག་དཔྱིས་ཕྱིན་པ་བྱས་ནས། དཔྱད་འབྲས་ཕུན་སུམ་ཚོགས་པ་ཐོན་ཡོད་པ་སྟེ། ཁོང་ཉིད་ཀྱི་གཙོ་སྒྲིག་འོག་ཆེད་མཁས་པ་མང་པོའི་རྩོམ་སྒྲིག་གནང་བའི་《མདོ་དབུས་མཐོ་སྒང་གི་ཁོར་ཡུག་དང་འཕེལ་རྒྱས།》ཞེས་པའི་དཔེ་ཚོགས་སྔ་རྗེས་སུ་དེབ་བཅུ་གཉིས་ཙམ་ཀྲུང་གོའི་བོད་རིག་པ་ཞིབ་འཇུག་ལྟེ་གནས་དང་ཀྲུང་གོ་སྤྱི་ཚོགས་ཚན་རིག་སློབ་གླིང་གི་ཚན་རིག་ཞིབ་འཇུག་གི་དཔྱད་གཞི་གཙོ་ཤས་སུ་བཞག་སྟེ་དཔེ་སྐྲུན་བྱས་ཡོད་པ་དང་།  དེར་མ་ཟད་《མདོ་དབུས་མཐོ་སྒང་ཁོར་ཡུག་དང་འཕེལ་རྒྱས་ཕྱོགས་བསྡུས་《མདོ་དབུས་མཐོ་སྒང་གི་ཁོར་ཡུག་དང་མི་འབོར།》《མདོ་དབུས་མཐོ་སྒང་ཁོར་ཡུག་མཚོ་དང་མཚེའུ།》《མདོ་དབུས་མཐོ་སྒང་གི་རྩ་སའི་འཕེལ་རྒྱས་དང་སྐྱེ་ཁམས་ཁོར་ཡུག》《མདོ་དབུས་མཐོ་སྒང་བྱེ་འགྱུར་གནད་དོན་དང་རྒྱུན་མཐུན་འཕེལ་རྒྱས།》《མཚོ་བོད་མཐོ་སྒང་གི་ཆུ་ཡི་ཐོན་ཁུངས།》《མཚོ་བོད་མཐོ་སྒང་གི་འཁྱགས་རོམ་དང་སྐྱེ་ཁམས་ཁོར་ཡུག》《མདོ་དབུས་མཐོ་སྒང་གི་འགྲིམ་འགྲུལ་དང་འཕེལ་རྒྱས།》《མདོ་དབུས་མཐོ་སྒང་གི་ཐོན་ལས་སྒྲིག་གཞི།》《མདོ་དབུས་མཐོ་སྒང་སྐྱེ་ཁམས་ཡུལ་སྐོར་གྱི་རྒྱུན་མཐུན་འཕེལ་རྒྱས་ཀྱི་དཔེ་དབྱིབས་ཞིབ་འཇུག》《མདོ་དབུས་མཐོ་སྒང་གི་ཚན་རྩལ་ཡིག་ཆའི་དཀར་ཆག་ཕྱོགས་ཆེན་མོ》《བོད་ཀྱི་སྲོལ་རྒྱུན་རིག་གནས་དང་མདོ་དབུས་་མཐོ་སྒང་གི་ཁོར་ཡུག་སྲུང་སྐྱོང་དང་འཕེལ་རྒྱས།》སོགས་ཆེད་རྩོམ་མང་པོ་བརྩམས་ཡོད་ཅིང་། དེ་ལས་གཞན་པའི་ 《རྒྱལ་སྤྱིའི་ཚོང་རར་སྐྱོད་པ་》ཞེས་པའི་དཔེ་ཚོགས་སོགས་གཙོ་སྒྲིག་གནང་། 《གྲོང་རྡལ་ཁེ་ལས་ཁྲིམས་ལུགས་ལག་བསྟར་གྱི་དཔེ་དེབ།》《ཀན་ལྷོའི་སྐྱེ་ཁམས་དཔལ་འབྱོར་དཔེ་སྟོན་ས་ཁུལ་གྱི་ཞིབ་འཇུག》སོགས་དང་། ཁོང་ཉིད་ཀྱིས་ཀྲུང་ཧྭའི་ཆུ་ཡི་གཏེར་མཛོད་དང་ཁུངས་ལྔ་སོགས་ཀྱི་རིག་གཞུང་ལྟ་བ་གསར་པ་བཏོན་མྱངས་ལ།《མདོ་དབུས་མཐོ་སྒང་གི་ཆུའི་ཐོན་ཁུངས་ཀྱི་སྲུང་སྐྱོབ་དང་བེད་སྤྱོད།》《ནུབ་རྒྱུད་ས་ཁུལ་གྱི་སྐྱེ་ཁམས་ཡུལ་སྤོར་འཆམ་མཐུན་གྱི་འཕེལ་རྒྱས་འབྱུང་བའི་གནད་འགག》སོགས་མདོ་དབུས་མཐོ་སྒང་གི་ཁོར་ཡུག་སྲུང་སྐྱོབ་ཐད་ཀྱི་རིག་གཞུང་དཔྱད་རྩོམ་མང་པོ་སྤེལ་ཡོད།


                               6.jpg

       2011ལོའི་ཟླ་3པར་ཀྲུང་གོའི་བོད་རིག་པའི་ཞིབ་འཇུག་ལྟེ་གནས་ཀྱི་སྤྱི་ཁྱབ་ལས་འཛིན་པ་གཞོན་པའི་འགན་བཞེས་རྗེས་མུ་མཐུད་དུ་མདོ་དབུས་མཐོ་སྒང་གི་སྐྱེ་ཁམས་ཁོར་ཡུག་དང་བོད་ཀྱི་རི་ཆུའི་རིག་གནས་ལ་ཞིབ་འཇུག་བྱེད་འགོ་བརྩམས་ཤིང་། ད་ལྟ་《མདོ་དབུས་མཐོ་སྒང་གི་ཁོར་ཡུག་དང་རི་ཆུའི་རིག་གནས།》ཞེས་པའི་དཔྱད་གཞི་གལ་ཆེན་དེར་འགོ་འཛིན་བྱས་ནས། མི་བརྒྱ་ལྷག་གི་གྲུབ་པའི་ཚོགས་པ་དང་མཉམ་དུ་ཞིབ་འཇུག་བྱེད་བཞིན་ཡོད་པ་དང་། ང་ཚོའི་ཕྱི་རབས་མི་རིགས་འདིའི་རིགས་གནས་ལ་སྙིགས་དོར་བཅུད་ལེན་གྱི་མཛད་རྗེས་བླ་ན་མེད་པ་འཇོག་པའི་སྙིང་སྟོབས་དགུ་འགྱུར་གྱི་སྤོབས་སེམས་མི་འདོར་བའི་དམ་བཅའ་རྡོ་རྗེའི་ཐུགས་ལ་བཏགས་བཞིན་གནང་།(གངས་ལྗོངས་ཉི་གཞོན་ལས་བཤུས།)

       ཞེས་རོང་ཆེན་ལྷ་རྒྱལ་དཔལ་གྱིས་ཀྲུང་གོ་བོད་ཀྱི་དྲ་བ་ལས་བཏུས་སོ།


发表评论 评论 (6 个评论)

回复 pari 2016-9-6 02:23
བོད་ཆགས་འཇིག་གི་གནས་སུ་ལྷུང་དགོས་དོན་དེ་ཆོས་ལུགས་ཀྱི་སྐྱོན་མ་རེད། ཆོས་པ་ཡིན་ཟེར་མཁན་ཚོས་ཆོས་ལུགས་བེད་སྤྱོད་ལོགས་པར་བཏང་བའི་རྐྱེན་ལས་བྱུང་པ་རེད། འདོར་ན་ཆོས་པ་ཚོས་ཆོས་ལུགས་བེད་སྤྱོད་ཡང་དག་པར་མ་གཏོང་བ་རེད། གལ་སྲིད་ཆོས་པ་ཆོས་པའི་སར་སྡད་ན་སྐྱོན་མེད་པ་རེད། དཔེེར་ན་སྔོན་ཐོན་ཅན་གྱི་རྒྱལ་ཁབ་ཨང་དང་པོ། ཉི་ཧོང་དང་ཨ་རི་སོགས་ལ་ཆོས་ལུགས་ཡོད་ཡོད་པ་རེད། ཆོས་ལུགས་ཀྱི་སྐྱོན་མ་རེད། བོད་ཀྱི་ས་ཆ་དང་ལྷ་དར་བོད་ཀྱི་ཁ་བཏགས་དཀར་པོར་ངེས་མི་ཟིན་པའི་ལྐུག་པ་ཚོ་རེད།
回复 pari 2016-9-6 02:25
ཚོགས་འདུ་དང་དུས་ཆེན་སོགས་ཀྱི་སྐབས་སུ་ཁ་བཏགས་རྫུན་མ་བེད་སྤྱོད་གཏན་ནས་མ་གཏོང་རོགས་ཞེས་རེ་བསྐུལ་ཆེས་ཆེར་ཞུ་རྒྱུ་ཡིན། ཕ་མེས་ ནས་བརྒྱུད་པའི་བོད་ལུགས་ཁ་བཏགས་ནི་དཀར་པོ་དཀར་རྐྱང་ཡིན་ལ་དཀར་པོ་རང་བེད་སྤྱོད་གཏོང་རོགས། དེ་ལས་གཞན་པའི་ཁ་མདོག་སེར་ཁྲ་དང་དཀར་ཁྲ། སྔོ་ཁྲ། ལྗང་ཁྲ།དམར་ཁྲ་ཅན་གྱི་དར་རས་ནི་རང་ལུགས་བོད་ཀྱི་སྲོལ་རྒྱུན་རིག་གཞུང་དང་མི་མཐུན་པའི་བེད་སྤྱོད་གཏན་ནས་མ་གཏོང་རོགས། སྤྱིར་ན་དུས་ཆེན་ལྟ་བུའི་མཛད་སྒོ་ དང་འདུ་འཛོམས་སོགས་ཀྱི་སྐབས་སུ་སྡིངས་ཆའི་སྟེང་དུ་མི་གང་བྱུང་དུ་སོང་ན་ཡག་པོ་མི་འདུག། དཔེ་ན་ཉེ་ཆར་ཕྱི་ལོ་༢༠༡༦་ཟླ་བ་༧་པའི་ནང་ཡོ་རུབ་ཀྱི་ཧྥ་རན་སི་དང་སུད་སིར་གནས་སྡོད་བོད་པ་ཚོའི་རྐུབ་བམ་ཨོང་དོ་ཕྱིར་བསྟན་ནས་ཁ་བཏགས་རྫུན་མ་འགྲེམ་སྟོན་བྱས་པ་ལྟ་བུ་རེད། སྤྲོ་ཚོགས་དེའི་སྟེང་དུ་དབྱངས་རིགས་ངག་གི་སྒྱུ་རྩལ་ལ་བྱང་ཆུབ་པའི་མིང་དུ་གྲགས་པ་བོད་ཀྱི་གླུ་མ་རིག་འཛིན་སྒྲོལ་མ།ཀརྨ་བཅིང་གྲོལ་སྒྲོལ་མ་དང་གནམ་མཚོ་བཅས་ཕེབས་ཡོད་པ་རེད། ང་ཚོ་བོད་མི་ཚང་མས་ལ་ཟློག་ཏུ་མེད་པའི་འགན་ཞིག་ཡོད་པ་ནི། བོད་ཀྱི་སྲོལ་རྒྱུན་རིགས་གནས་སྲུང་སྐྱོབ་བྱེད་རྒྱུ་དེ་ཡིན་པའི་རྣམ་པ་ཚང་མས་ལྷོད་གཡེང་དུ་མི་གཏོང་བར་ཅི་ནས་ཀྱང་འབད་བརྩོན་གནང་རོགས་ཞུ། གོང་དུ་བཤད་པའི་གནད་དོན་རྣམས་བོད་ཀྱི་ས་ཆ་དང་རྒྱལ་དར་བོད་ཀྱི་ལྷ་དར་དཀར་པོ་སོགས་ངེས་མི་ཟིན་པའི་མི་ཚོས་ས་སྟེང་འདིར་བཞག་པའི་ཤུལ་བཞག་རེད།
回复 ljh8520035 2016-9-6 07:57
pari 2016-9-6 02:23
བོད་ཆགས་འཇིག་གི་གནས་སུ་ལྷུང་དགོས་དོན་དེ་ཆོས་ལུགས་ཀྱི་སྐྱོན་མ་རེད། ཆོས་པ་ཡིན་ཟེར་མཁན་ཚོས་ཆོས་ལུགས་བེད་སྤྱོད་ལོགས་པར་བཏང་བའི་རྐྱེན་ལས་བྱུང་པ་རེད། འདོར་ན་ཆོས་པ་ཚོས་ཆོས་ལུགས་བེད་སྤྱོད་ཡང་དག་པར་མ་གཏོང་བ་རེད། གལ་སྲིད་ཆོས་པ་ཆོས་པའི་སར་སྡད་ན་སྐྱོན་མེད་པ་རེད། དཔེེར་ན་སྔོན་ཐོན་ཅན་གྱི་རྒྱལ་ཁབ་ཨང་དང་པོ། ཉི་ཧོང་དང་ཨ་རི་སོགས་ལ་ཆོས་ལུགས་ཡོད་ཡོད་པ་རེད། ཆོས་ལུགས་ཀྱི་སྐྱོན་མ་རེད། བོད་ཀྱི་ས་ཆ་དང་ལྷ་དར་བོད་ཀྱི་ཁ་བཏགས་དཀར་པོར་ངེས་མི་ཟིན་པའི་ལྐུག་པ་ཚོ་རེད།

回复 ljh8520035 2016-9-6 07:58
pari 2016-9-6 02:25
ཚོགས་འདུ་དང་དུས་ཆེན་སོགས་ཀྱི་སྐབས་སུ་ཁ་བཏགས་རྫུན་མ་བེད་སྤྱོད་གཏན་ནས་མ་གཏོང་རོགས་ཞེས་རེ་བསྐུལ་ཆེས་ཆེར་ཞུ་རྒྱུ་ཡིན། ཕ་མེས་ ནས་བརྒྱུད་པའི་བོད་ལུགས་ཁ་བཏགས་ནི་དཀར་པོ་དཀར་རྐྱང་ཡིན་ལ་དཀར་པོ་རང་བེད་སྤྱོད་གཏོང་རོགས། དེ་ལས་གཞན་པའི་ཁ་མདོག་སེར་ཁྲ་དང་དཀར་ཁྲ། སྔོ་ཁྲ། ལྗང་ཁྲ།དམར་ཁྲ་ཅན་གྱི་དར་རས་ནི་རང་ལུགས་བོད་ཀྱི་སྲོལ་རྒྱུན་རིག་གཞུང་དང་མི་མཐུན་པའི་བེད་སྤྱོད་གཏན་ནས་མ་གཏོང་རོགས། སྤྱིར་ན་དུས་ཆེན་ལྟ་བུའི་མཛད་སྒོ་ དང་འདུ་འཛོམས་སོགས་ཀྱི་སྐབས་སུ་སྡིངས་ཆའི་སྟེང་དུ་མི་གང་བྱུང་དུ་སོང་ན་ཡག་པོ་མི་འདུག། དཔེ་ན་ཉེ་ཆར་ཕྱི་ལོ་༢༠༡༦་ཟླ་བ་༧་པའི་ནང་ཡོ་རུབ་ཀྱི་ཧྥ་རན་སི་དང་སུད་སིར་གནས་སྡོད་བོད་པ་ཚོའི་རྐུབ་བམ་ཨོང་དོ་ཕྱིར་བསྟན་ནས་ཁ་བཏགས་རྫུན་མ་འགྲེམ་སྟོན་བྱས་པ་ལྟ་བུ་རེད། སྤྲོ་ཚོགས་དེའི་སྟེང་དུ་དབྱངས་རིགས་ངག་གི་སྒྱུ་རྩལ་ལ་བྱང་ཆུབ་པའི་མིང་དུ་གྲགས་པ་བོད་ཀྱི་གླུ་མ་རིག་འཛིན་སྒྲོལ་མ།ཀརྨ་བཅིང་གྲོལ་སྒྲོལ་མ་དང་གནམ་མཚོ་བཅས་ཕེབས་ཡོད་པ་རེད། ང་ཚོ་བོད་མི་ཚང་མས་ལ་ཟློག་ཏུ་མེད་པའི་འགན་ཞིག་ཡོད་པ་ནི། བོད་ཀྱི་སྲོལ་རྒྱུན་རིགས་གནས་སྲུང་སྐྱོབ་བྱེད་རྒྱུ་དེ་ཡིན་པའི་རྣམ་པ་ཚང་མས་ལྷོད་གཡེང་དུ་མི་གཏོང་བར་ཅི་ནས་ཀྱང་འབད་བརྩོན་གནང་རོགས་ཞུ། གོང་དུ་བཤད་པའི་གནད་དོན་རྣམས་བོད་ཀྱི་ས་ཆ་དང་རྒྱལ་དར་བོད་ཀྱི་ལྷ་དར་དཀར་པོ་སོགས་ངེས་མི་ཟིན་པའི་མི་ཚོས་ས་སྟེང་འདིར་བཞག་པའི་ཤུལ་བཞག་རེད།

回复 pari 2016-9-12 08:45
“外人徒步去往藏东最偏远山村采风写作。”--请不要打搅民众生活。引来灾祸的教训还不够吗?采风是借口罢了!
回复 ljh8520035 2016-9-12 13:18
pari 2016-9-12 08:45
“外人徒步去往藏东最偏远山村采风写作。”--请不要打搅民众生活。引来灾祸的教训还不够吗?采风是借口罢了!

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2020-8-14 04:13 , Processed in 0.068460 second(s), 21 queries .

返回顶部