日志

གྲུབ་ཆེན་ཐང་སྟོང་རྒྱལ་པོའི་ཕྱག་བྲིས་ཡིག་ ...

热度 1已有 94 次阅读2020-6-2 10:33 |系统分类:文化

གྲུབ་ཆེན་ཐང་སྟོང་རྒྱལ་པོའི་ཕྱག་བྲིས་ཡིག་རྙིང་།

ཐང་སྟོང་རྒྱལ་པོའི་ཡིག་རྙིང་།

རབ་བྱུང་དྲུག་པའི་ལྕགས་མོ་གླང་སྟེ་སྤྱི་ལོ་༡༣༦༡ལོར་གཙང་ལ་སྟོད་གཡས་རུ་བྱང་མའི་ཆབ་འོག་འོ་བ་ལྷ་རྩེ་རིན་ཆེན་སྡིངས༼ངམ་རིང་རྫོང་ཁོངས་མདོ་སྤེ་ཆུས༽ལ་ཞིང་བའི་ཁྱིམ་ཚང་ཞིག་ཏུ་སྐུ་བལྟམས། རབ་བྱུང་བརྒྱད་པའི་ཤིང་མོ་སྤྲུལ་ཏེ་སྤྱི་ལོ་༡༤༨༥ལོར་གཙང་སྟོད་རི་བོ་ཆེར་སྐུ་གཤེགས། དགུང་གྲངས་བརྒྱ་དང་ཉི་ཤུ་རྩ་ལྔ་འཚོ་ཞིང་བཞེས་པར་ངེས། ཐང་སྟོང་རྒྱལ་པོའི་ཡབ་རྡོ་རྗེ་རྒྱལ་མཚན་དང་ཡུམ་རྒྱ་གར་ལྷ་མོ་ལ་རིགས་ཀྱི་མྱུ་གུ་ལྕམ་སྲིང་དྲུག་བྱུང་བ་སྟེ་སེ་རོ་དཔལ་དང་། སློབ་དཔོན་དཔལ་ཚུལ། འཕན་པོ། སྔ་དར། ཁྲོ་བོ་དཔལ་ལྡན། ལྕམ་མོ་དཔལ་འཛིན་རྡོ་རྗེ་མ་བཅས་ཡིན་པ་ལས་ལྔ་པ་ཁྲོ་བོ་སཔལ་ལྡན་ཞེས་པ་ནི་ཕྱིས་ཐང་སྟོང་རྒྱལ་པོར་འབོད་པ་དེ་ཡིན། རིག་གནས་སྦྱང་བའི་ཆེད་དུ་ཁོང་བྱང་སྡིངས་དགོན་པར་ཞུགས་ནས་གྲྭ་པ་བྱས་ཤིང་མིང་བརྩོན་འགྲུས་བཟང་པོ་ཞེས་བཏགས། ཁོང་གི་དཀའ་སྦྱད་འབད་བརྩོན་གྱིས་རིག་གནས་ཤེས་བྱར་སྦྱང་པ་བྱས་པས་མཁས་པར་གྱུར་པ་དང་མིང་ལ་ཐང་སྟོང་རྒྱལ་པོ་ཞེས་ཐོགས་ནས་ཀུན་ལ་གྲགས་པར་གྱུར།

         རྗེས་སུ་ཁོང་རིག་གནས་གཞན་སློབ་གཉེར་གྱི་ཆེད་དུ་ལྷ་སར་ཕེབས། ཉིན་ཞིག་ལྷ་གདོང་ཤན་ཁ་ནས་གཙང་པོ་བརྒལ་དུས་མི་མང་པོ་གྲུ་གླ་སྤྲོད་རྒྱུ་མེད་པར་ལུས་ཡོད་པ་མཐོང་། ཁོང་སེམས་ཀྱི་མ་བཟོད་པར་གྲུ་དཔོན་ལ་གྲུ་གླ་མི་དགོས་པར་མི་རྣམས་གྲུ་ལ་སྡོད་དུ་འཇུག་རོགས་ཞེས་ཞུ་བ་བྱས་པ་ལ་གྲུ་དཔོན་གྱི་ཁྱོད་རང་གྲུ་གླ་སྤྲོད་རྒྱུ་མེད་པ་ཞིག་གིས་ད་དུང་མི་གཞན་གྱི་ལག་ནས་གྲུ་གླ་མ་ལེན་ཟེར་བ་ཅི་ཡིན་ཟེར་ནས་ཁོང་གི་མགོ་ལ་སྐྱ་བ་བཞུས་ཏེ་ས་ལ་འགྱེལ་བ་རེད། དེ་ནས་ཁོང་གིས་ཉམ་ཐག་གི་མི་བགྲང་ལས་འདས་པ་ཞིག་གིས་འདི་འདྲའི་བརྙས་བཅོས་མྱོང་གིན་འདུག་སྙམ་ནས་སེམས་ཤིན་ཏུ་སྐྱོ་བ་དང་མི་རྣམས་ཀྱིས་གླ་སྤྲོད་མི་དགོས་པར་ཆུ་བོར་བརྒལ་ཐུབ་པའི་ཟམ་པ་འཛུགས་རྒྱུའི་དམ་བཅའ་སྔར་བས་བརྟན་དུ་སོང་། ཁོང་བལ་པོ་དང་རྒྱ་གར་སོགས་ས་ཆ་མང་པོར་སོང་ནས་སྡུག་རུས་ཀྱི་ཟམ་པའི་བཟོ་བཀོད་དང་སྐྲུན་ཐབས་ལྕགས་བཞུ་བ་དང་ལྕགས་ཐག་རྡུང་བ་སོགས་ཀྱི་ལག་རྩལ་སློབ་སྦྱོང་བྱས། ༼དཔལ་གྲུབ་པའི་དབང་ཕྱུག་བརྩོན་འགྲུས་བཟང་པོའི་རྣམ་ཐར་ཀུན་གསལ་ནོར་བུའི་མེ་ལོང༽ཞེས་པའི་བོད་ཀྱི་ལོ་རྒྱུས་ཡིག་ཚགས་ནང་བཀོད་པར་གཞིགས་ན། སྙན་པའི་གྲགས་པ་ནོར་འཛིན་གཞི་མོའི་ཁྱོན་ཀུན་ཏུ་བོད་ཀྱི་ཕུལ་དུ་བྱུང་བའི་བཟོ་སྐྲུན་འཆར་འགོད་པ་དྲིན་ཅན་ཐང་སྟོང་རྒྱལ་པོ་རྒྱ་ནག་རི་བོ་རྩེ་ལྔར་བྱོན་ནས་མི་ཉག་དར་རྩེ་མདོར་འབྱོན་འཕྲོ། གྲྭ་པ་ཕོ་མོ་རྟ་དྲེའུ་དང་བཅས་པ་དར་རྩེ་མདོར་བཞག་གྲུབ་ཐོབ་ཐང་སྟོང་རྒྱལ་པོ་གཅིག་པུ་རྒྱ་ནག་རི་བོ་རྩེ་ལྔར་ཕེབས། རྒྱ་ནག་ལ་དུས་ཚོད་རིང་ཐུང་ཅི་འདྲ་བཞུགས་པ་སོགས་ཕྲན་ཆུང་བདག་གིས་མཇལ་བའི་ལོ་རྒྱུས་ཡིག་རིགས་མ་མཐོང་། དེའི་ཐད་རྒྱ་ཆེ་བའི་ཀུན་མཁྱེན་རྣམ་པས་ཞིབ་འཇུག་དང་ཁུངས་ལུང་འཚོལ་བར་འཚལ། 

དེ་ནས་རྒྱ་ནག་རི་བོ་རྩེ་ལྔ་ནས་གྲུབ་ཐོབ་ཆེན་པོ་སླར་ཡང་དར་མདོར་ཕེབས། དར་རྩེ་མདོ་ནས་གྲྭ་པ་ཕོ་མོ་རྙིང་པ་རྣམས་དང་ཁམས་པ་ཕྱགས་ཕྱིར་འབྲངས་པ་མང་པོས་རྟ་དྲེའུ་མཛོ་གཡག་སོགས་ལ་ཁལ་གང་ཐེག་བཀལ། མ་ཐེག་པ་རྣམས་རིམ་གྱི་དང་བླངས་སྟོབས་ཅན་ལ་བསྐུལ་ནས་མི་ཉག་གི་ཡུལ་མཁར་གླིང་དུ་ཕེབས། མི་ཉག་ཡུལ་གྲུ་ཀུན་གྱི་མི་ཚོས་གྲུབ་ཐོབ་ཆེན་པོ་ལྕགས་ཟམ་པ་ཕེབས་བྱུང་ཟེར་ནས་མདའ་རྩེ་དང་རྩེད་མོ་སྣ་ཚོགས་བྱེད་ཅིང་། ཇ་ཆང་ལོངས་སྤྱོད་བསམ་གྱིས་མི་ཁྱབ་པ། ཚོགས་འཁོར་རྒྱ་ཆེན་པོ་དང་ཆོས་འབྲེལ་ཞུས། མི་ཞིག་གིས་རལ་གྲི་ཞིག་ཕུལ། མི་ཉག་ཡུལ་མཁར་གླིང་དུ་བཞུགས་པའི་སྐབས་སུ་མི་ཉག་ཡུལ་སྡེ་ཆེ་བས་རྒྱུན་དུ་འཐབ་རྩོད་བྱུང་ཞིང་དམེ་འཁྲུགས་མང་པོ་ཡོད་པ་ཞི་འཇགས་སུ་བཏང་། ཕོ་མོ་མང་དུ་ཚོགས་བྱུང་བར་ཆོས་འབྲེལ་མཛད། རྟ་དྲེའུ་གསེར་དངུལ་གོས་དར་སོགས་འབུལ་བ་མཐའ་ཡས་པ་བྱུང་། ཐང་སྟོང་རྒྱལ་པོས་མི་ཉག་གླིང་ཆུ་ཁྲ་མོ་ཡིས་འཇིག་རྟེན་གྱི་མི་རྣམས་ལ་བརྒལ་དཀའ་བའི་འཇིགས་སྣང་རྒྱུན་དུ་སྟེར་བ་མཁྱེན་ནས་མི་སེར་དག་གིས་འབུལ་བའི་རྒྱུ་ནོར་མཐའ་དག་གིས་ངར་ལྕགས་ཤ་སྟག་ཉོས་ནས་ལྕགས་ཐག་བཞི་ཅན་དཔྱང་བའི་ལྕགས་ཟམ་ཞིག་བཙུགས་པ་རེད། ལྕགས་ཟམ་དེ་ད་ལྟར་དར་མདོ་རྫོང་འགག་པ་ཤང་གི་མངའ་ཁོངས་སུ་ཡོད།

དེ་ནས་སློང་མོ་འཚོལ་བའི་ཐབས་ལ་བརྟེན་ནས་ད་ལྟའི་ལྷོ་ཁ་ས་ཁུལ་ཁོངས་འཕྱོངས་རྒྱ་རྫོང་ཁུལ་སྦས་སྣ་ཟེར་བའི་ཁྱིམ་ཆང་ཞིག་ལ་བུ་མོ་སྤུན་བདུན་ཡོད་པ་དེ་དག་ལ་བསྐུལ་ཏེ་གཉིས་ཀྱིས་རྔོན་པ། གཉིས་ཀྱིས་རྒྱ་ལུ། གཉིས་ཀྱིས་ལྷ་མོ། གཅིག་གིས་སིལ་དཀྲོལ། ཁོང་གིས་རྔ་རྡུང་གནང་སྟེ། ཟློས་གར་སྤུན་བདུན་ཞོལ་པ་མིང་རྒྱས་པ་ལ་འཕྱོངས་རྒྱས་བཀྲ་ཤིས་ཞོལ་པ་སྦས་སྣ་སྤུན་བདུན་ཞེས་པའི་སློང་མོ་མཛད་ཅིང་། དེ་ནས་བཟུང་བོད་ཀྱི་ཟློས་གར་ལ་ལྷ་མོའི་ཟློས་གར་འཁྲབ་སྲོལ་དར་བ་ངག་རྒྱུན་དུ་གྲགས། བོད་ཀྱི་ཆོས་རྒྱལ་སོགས་ཀྱི་རྣམ་ཐར་ཟློས་གར་གྱི་ལམ་ནས་སྟོན་པ་དེང་སང་ཨ་ཅེ་ལྷ་མོ་ཞེས་གྲགས་པའི་འཁྲབ་གཞུང་བརྩམས། གསོ་བ་རིག་པའི་སྐོར་ལ་ཁོག་ནད་ཀུན་འཇོམ་རིལ་བུ་དཀར་པོ་དང་། གཉན་རིམས་འཇོམས་བྱེད་རིལ་བུ་དམར་པོ་སོགས་མན་ངག་མང་པོ་མཛད། ཁོང་གིས་བོད་མི་རིགས་ལ་ཕན་པ་ཡོད་པའི་བྱ་བ་གྲགས་ལས་འདས་པ་བསྒྲུབས། ལྷག་པར་དུ་ཆུ་ཆེན་རྣམས་ལ་ལྕགས་ཟམ་བཙུགས་སྟབས། བོད་རིགས་མི་དམངས་རྣམས་ཀྱིས་ཐང་སྟོང་རྒྱལ་པོ་ལ་སྙིང་དབུས་ནས་དགའ་གུས་དང་། དད་ཞེན་ཆེན་པོ་བྱེད་བཞིན་ཡོད།

(         (ཡོང་ཁུངས་སྔགས་པའི་གནའ་དཔེ་ལས་ཁུངས)

发表评论 评论 (6 个评论)

回复 久美多吉 2020-6-3 11:55
哇!这个厉害,先留个爪,找个机会(两天之内)试着把您这篇藏文读一遍,看看能读懂几成?然后向您汇报一下!
回复 久美多吉 2020-6-3 17:37
我在哪里看到过关于唐东杰布的类似描述,就是过拉萨河,不付钱,被船夫打到河里了。
回复 雪域猛禽 2020-6-4 10:41
久美多吉: 我在哪里看到过关于唐东杰布的类似描述,就是过拉萨河,不付钱,被船夫打到河里了。
谢谢关注。
回复 久美多吉 2020-6-4 11:21
雪域猛禽: 谢谢关注。
因为我在自学藏文,网上到处找相关的东西,偶然的机会看到了这个网站,您在这里排名靠前,然后看了您的一些文章,我觉得很多都是很有价值的,只是我的藏文还达不到完全看懂您们的博客的水平,还不能完全领略文章的精彩之处。就好像有人说的,学会了另一种语言实际上打开了另一扇看向世界的窗户,我个人认为这些学习的努力是值得的。谢谢您的文章。བཀྲ་ཤིས་བདེ་ལེགས་ཡོང་བར་ཤོག།
回复 雪域猛禽 2020-6-4 11:51
久美多吉: 因为我在自学藏文,网上到处找相关的东西,偶然的机会看到了这个网站,您在这里排名靠前,然后看了您的一些文章,我觉得很多都是很有价值的,只是我的藏文还达不 ...
不客气,共勉之,加油!
回复 久美多吉 2020-6-4 12:20
雪域猛禽: 不客气,共勉之,加油!
བཀའ་དྲིན་ཆེ།

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2020-7-12 17:37 , Processed in 0.057519 second(s), 21 queries .

返回顶部