博客西藏在最高处过一种生活

日志

རིག་འཛིན་ཚངས་དབྱངས་རྒྱ་མཚོའི་མགུར་གླུ་ཆ་ ...

热度 1已有 92 次阅读2018-11-8 11:01 |系统分类:文学| 仓央嘉措, 道歌

རིག་འཛིན་ཚངས་དབྱངས་རྒྱ་མཚོའི་མགུར་གླུ་ཆ་ཚང་།





                  

ཤར་ཕྱོགས་རི་བོའི་རྩེ་ནས། །

དཀར་གསལ་ཟླ་བ་ཤར་བྱུང༌། །

མ་སྐྱེས་ཨ་མའི་ཞལ་རས། །

ཡིད་ལ་འཁོར་འཁོར་བྱས་བྱུང༌། །

                ༢ 

ན་ནིང་བཏབ་པའི་ལྗང་གཞོན། །

ད་ལོ་སོག་མའི་ཕོན་ལྕོག །

ཕོ་གཞོན་རྒས་པའི་ལུས་པོ། །

ལྷོ་གཞུ་ལས་ཀྱང་གྱོང་བ། །


               ༣

རང་སེམས་སོང་བའི་མི་དེ། །

གཏན་གྱི་འདུན་མར་བྱུང་ན། །

རྒྱ་མཚོའི་གཏིང་ནས་ནོར་བུ། །

ལོན་པ་དེ་དང་འདྲ་བྱུང༌། །


              ༤

འགྲོ་ཞོར་ལམ་བུའི་སྙིང་ཐུབ། །

ལུས་དྲི་ཞིམ་པའི་བུ་མོ། །

གཡུ་ཆུང་དྲུག་དཀར་རྙེད་ནས། །

བསྐྱུར་བ་དེ་ དང་འདྲ་བྱུང༌། །


               ༥ 

མི་ཆེན་དཔོན་པོའི་སྲས་མོ། །

ཁ་འབྲས་མཚར་ལུགས་བལྟས་ན། །

ཁམ་སྡོང་མཐོན་པོའི་རྩེ་ནས། །

འབྲས་བུ་སྨིན་དང་འདྲ་བྱུང༌། །


               ༦ 

སེམས་པ་ཕར་ལ་ཤོར་ནས། །

མཚན་མོའི་གཉིད་ཐེབས་གཅོག་གི། །

ཉིན་མོ་ལག་ཏུ་མ་ལོན། །

ཡིད་ཐང་ཆད་རོགས་ཡིན་པས། །


               ༧ 

མེ་ཏོག་ནམ་ཟླ་ཡལ་སོང༌། །

གཡུ་སྦྲང་སེམས་པ་མ་སྐྱོ། །

བྱམས་པའི་ལས་འཕྲོ་ཟད་པར། །

ང་ནི་སྐྱོ་རྒྱུ་མི་འདུག །


              ༨

རྩི་ཐོག་བ་མོའི་ཁ་ལ། །

སྐྱི་བསེར་རླུང་གི་ཕོ་ཉ། །

མེ་ཏོག་སྦྲང་བུ་གཉིས་ཀྱི། །

འབྲེལ་ཚམས་གཅོད་མཁན་ལོས་ཡིན། །

     ༩

ངང་བ་འདམ་ལ་ཆགས་ནས། །

རེ་ཞིག་སྡོད་དགོས་བསམས་ཀྱང༌། །

མཚོ་མོ་དར་ཁ་འགྲིགས་ནས། །

རང་སེམས་ཁོ་ཐག་ཆོད་སོང༌། །


                ༡༠

གྲུ་ཤན་སེམས་པ་མེད་ཀྱང༌། །

རྟ་མགོས་ཕྱི་མིག་བལྟས་བྱུང༌། །

ཁྲེལ་གཞུང་མེད་པའི་བྱམས་པས། །

ང་ལ་ཕྱི་མིག་མི་ལྟ། །


                ༡༡

ང་དང་ཚོང་འདུས་བུ་མོའི། །

ཚིག་གསུམ་དམ་བཅའི་མདུད་པ། །

ཁྲ་བོ་སྦྲུལ་ལ་མ་བརྒྱབ། །

རང་རང་ས་ལ་གྲོལ་སོང༌། །


                ༡༢

ཆུང་འདྲིས་བྱམས་པའི་རླུང་བསྐྱེད། །

ལྕང་མའི་ལོགས་ལ་བཙུགས་ཡོད། །

ལྕང་སྲུང་ཨ་ཇོ་ཞལ་ངོས། །

རྡོ་ཀ་རྒྱག་པ་མ་གནང༌། །


                ༡༣

བྲིས་པའི་ཡི་གེ་ནག་ཆུང༌། །

ཆུ་དང་ཐིགས་པས་འཇིགས་སོང༌། །

མ་བྲིས་སེམས་ཀྱི་རི་མོ། །

བསུབས་ཀྱང་བསུབ་རྒྱུ་མི་འདུག །


               ༡༤

བརྒྱབ་པའི་ནག་ཆུང་ཐེའུས། །

གསུང་སྐད་འབྱོན་ནི་མི་ཤེས། །

ཁྲེལ་དང་གཞུང་གི་ཐེའུ། །

སོ་སོའི་སེམས་ལ་སྐྱོན་དང༌། །


              ༡༥

སྟོབས་ལྡན་ཧ་ལོའི་མེ་ཏོག །

མཆོད་པའི་རྫས་ལ་ཕེབས་ན། །

གཡུ་སྦྲང་གཞོན་ནུ་ང་ཡང༌། །

ལྷ་ཁང་ནང་ལ་ཁྲིད་དང༌། །

    ༡༦

སེམས་སོང་བུ་མོ་མི་བཞུགས། །

དམ་པའི་ཆོས་ལ་ཕེབས་ན། །

ཕོ་གཞོན་ང་ཡང་མི་སྡོད། །

རི་ཁྲོད་འགྲིམ་ལ་ཐལ་འགྲོ། །


               ༡༧

མཚན་ལྡན་བླ་མའི་དྲུང་དུ། །

སེམས་ཁྲིད་ཞུ་བར་ཕྱིན་པས། །

སེམས་པ་བསྐོར་ཀྱང་མི་ཐུབ། །

བྱམས་པའི་ཕྱོགས་ལ་ཤོར་སོང༌། །


༡༨

སྒོམ་པ་བླ་མའི་ཞལ་རས། །

ཡིད་ལ་འཆར་རྒྱུ་མི་འདུག །

མ་བསྒོམས་བྱམས་པའི་ཞལ་རས། །

ཡིད་ལ་ཝ་ལེ་ཝ་ལེ། །


                ༡༩

སེམས་པ་འདི་ལ་འགྲོ་འགྲོ།

དམ་པའི་ཆོས་ལ་ཕྱིན་ན། །

ཚེ་གཅིག་ལུས་གཅིག་ཉིད་ལ། །

སངས་རྒྱས་འཐོབ་པར་འདུག་གོ། །


                ༢༠

དག་པ་ཤེལ་རིའི་གངས་ཆུ། །

ཀླུ་བདུད་རྡོ་རྗེའི་ཟིལ་བ། །

བདུད་རྩི་སྨན་གྱི་ཕབ་རྒྱུན། །

ཆང་མ་ཡེ་ཤེས་མཁའ་འགྲོ །

དམ་ཚིག་གཙང་མས་བཏུང་ན། །

ངན་སོང་མྱོང་དགོས་མི་འདུག །

               ༢༡

རླུང་རྟ་ཡར་འགྲོའི་དུས་ལ། །

རླུང་བསྐྱེད་དར་ལྕོག་བཙུགས་པས། །

མཛངས་མ་མ་བཟང་བུ་མོས། །

ང་རང་མགྲོན་པོ་བོས་བྱུང༌། །


             ༢༢

སོ་དཀར་ལྤགས་པའི་འཛུམ་མདངས། །

བཞུགས་གྲལ་སྤྱི་ལ་བསྟན་ཀྱང༌། །

མིག་ཟུར་ཁྲ་མོའི་སྒྲིལ་མཚམས། །

གཞོན་པའི་གདོང་ལ་བལྟས་བྱུང༌། །


              ༢༣

ཧ་ཅང་སེམས་ལ་སོང་ནས། །

འགྲོགས་འདྲིས་ཨེ་ཡོང་དྲིས་པས། །

འཆི་བྲལ་བྱེད་ན་མིན་པ། །

གསོན་བྲལ་མི་བྱེད་གསུངས་བྱུང༌། །


             ༢༤

མཛངས་མའི་ཐུགས་དང་བསྟུན་ན། །

ཚེ་འདིའི་ཆོས་སྐལ་ཆད་འགྲོ། །

དབེན་པའི་རི་ཁྲོད་འགྲིམསན། །

བུ་མོའི་ཐུགས་དང་འགལ་འགྲོ། །


              ༢༥

ཀོང་ཕྲུག་གཞོན་པའི་བློ་སྣ། །

སྦྲང་བུ་རྒྱ་ལ་བཅུག་འདྲ། །

ཞག་གསུམ་ཉལ་རོགས་བྱས་པས། །

ཕུགས་ཡུལ་ལྷ་ཆོས་དྲན་བྱུང༌། །

              ༢༦

གཏན་གྲོགས་ཁྱོད་ལ་སེམས་པའི། །

ཁྲེལ་དང་ངོ་ཚ་མེད་ན། །

མགོ་ལ་བརྒྱབ་པའི་གཙུག་གཡུས། །

སྐད་ཆ་སྨྲ་ནི་མི་ཤེས། །


               ༢༧

འཛུམ་དང་སོ་དཀར་སྟོན་ཕྱོགས། །

གཞོན་པའི་བློ་བྲིད་ཡིན་འདུག །

སྙིང་ན་ཤ་ཚ་ཡོད་མེད། །

དབུ་མནའ་བཞེས་རོགས་གནང་དང༌། །


                ༢༨

སྙིང་ཐུབ་བྱ་རྡོ་ལམ་འཕྲད། །

ཨ་མ་ཆང་མས་སྦྱར་བྱུང༌། །

ལན་ཆགས་བུ་ལོན་བྱུང་ན། །

འཚོ་སྐྱོང་ཁྱོད་རས་གནང་ཞུ། །


               ༢༩

སྙིང་གཏམ་ཕ་མར་མ་བཤད། །

ཆུང་འདྲིས་བྱམས་པར་བཤད་པས། །

བྱམས་པ་ཤ་ཕོ་མང་ནས། །

གསང་གཏམ་དགྲ་བོས་གོ་སོང༌། །


              ༣༠

སྙིང་ཐུབ་ཡིད་འཕྲོག་ལྷ་མོ། །

རྔོན་པ་ང་རས་ཟིན་ཀྱང༌།

དབང་ཆེན་མི་ཡི་དཔོན་པོ། །

ནོར་བཟང་རྒྱལ་པོས་ཕྲོགས་སོང༌། །


༣༡

ནོར་བུ་རང་ལ་ཡོད་དུས། །

ནོར་བུའི་ནོར་ཉམས་མ་ཆོད། །

ནོར་བུ་མི་ལ་ཤོར་དུས། །

སྙིང་རླུང་སྟོད་ལ་འཚངས་བྱུང༌། །


               ༣༢

རང་ལ་དགའ་བའི་བྱམས་པ། །

གཞན་གྱི་འདུན་མར་བླངས་སོང༌། །

ཁོག་ནད་སེམས་པའི་གཅོང་གིས། །

ལུས་པོའི་ཤ་ཡང་བསྐམས་སོང༌། །

               ༣༣

སྙིང་ཐུབ་རྐུ་ལ་ཤོར་སོང༌། །

མོ་ཕྱཱ་རྩིས་འབུལ་རན་སོང༌། །

བུ་མོ་དུང་སེམས་ཅན་མ། །

རྨི་ལམ་ལ་ཡང་འཁོར་བྱུང༌། །


               ༣༤

བུ་མོར་འཆི་བ་མེད་ན། །

ཆང་ལ་འཛད་པ་མི་འདུག །

གཞོན་པའི་གཏན་གྱི་སྐྱབས་གནས། །

འདི་ལ་བཅོལ་བས་ལོས་ཆོག །


               ༣༥

བུ་མོ་ཨ་མར་མ་སྐྱེས། །

ཁམ་བུའི་ཤིང་ལ་སྐྱེས་སམ། །

ཨ་གསར་ཟད་པའི་ཁམ་བུའི། །

མེ་ཏོག་དེ་ལས་མགྱོགས་པ། །


              ༣༦

བུ་མོ་ཆུང་འདྲིས་བྱམས་པ། །

སྤྱང་ཀིའི་རིགས་རྒྱུད་མིན་ནམ། །

ཤ་འདྲེས་ལྤགསའདྲེས་བྱུང་ཡང༌། །

རི་ལ་ཤོར་གྲབས་མཛད་གི ། 


             ༣༧

རྟ་རྒོད་རི་ཤོར་བརྒྱབ་པ། །

རྙི་དང་ཞགས་པས་ཟིན་ཡང་། །

བྱམས་པས་ངོ་ལོག་བརྒྱབ་པས། །

ཐུགས་ངོ་ཟིན་པ་མི་འདུག །

发表评论 评论 (3 个评论)

回复 pari 2018-11-9 02:23
མི་རིགས་ནི་རྒྱལ་ཁབ་ཐོར་བས་ཉམས་པ་མ་ཡིན་པར།
རིག་གནས་བཙོང་བས་ཉམས་པ་ཡིན།
——ཐོག་མའི་གཏམ་དུ།
回复 pari 2018-11-9 02:23
ངས་རྒྱ་སྐད་བཤད་ཤེས་པ་ནི་ངའི་འཇོན་ཐང་དང་ཡོན་ཏན་རེད།གལ་སྲིད་ངས་མ་ཤེས་ནའང་ངོ་ཚ་དགོས་དོན་མེད།འོན་ཀྱང་གལ་སྲིད་ངས་བོད་སྐད་དང་བོད་ཡིག་མ་ཤེས་པ་ཡིན་ན།དེ་ནི་ངའི་ཞབས་འདྲེན་ཡིན་པས་ང་རང་ངོ་ཚ་དགོས་པ་ཞིག་རེད།
_________པཎ་ཆེན་རིན་པོ་ཆེས།
我会说汉语是我的能力的体现,如果我不会说汉语我也不感到羞耻,但是如果我不会藏语和藏文,那就是我的耻辱。
————十世班禅大师
回复 pari 2018-11-9 22:08
བོད།Tibet圖伯特
ཤར།=Shar=夏=东——ཤར་པ།=Shar pa=夏尔巴=东部人
ལྷོ།=Lho=洛=南——ལྷོ་པ།=Lho pa=洛=洛巴=南方人
ནུབ།=Nub=努=西——ནུབ་པ།=Nub pa=努巴“尼瓦尔”=Nepal-西部人
བྱང་།=Byang=羌=北—-བྱང་པ།=Byang pa=羌巴=北方人
རོང་།=戎(絨)=農,農區.རོང་པ།=农区人.

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2018-11-20 16:07 , Processed in 0.309078 second(s), 22 queries .

返回顶部