日志

བོད་རིགས་ཀྱི་མི་གྲངས་དང་གནས་ཡུལ། ... ... ... ... ...

热度 4已有 8900 次阅读2012-10-12 08:54 |系统分类:民俗

        

                                                     བོད་རིགས་མི་གྲངས་དང་འཚོ་སྡོད་བྱེད་པའི་ཡུལ་ཁུངས།

བོད་རང་སྐྱོང་ལྗོངས།

བོད་རང་སྐྱོང་ལྗོངས་ཀྱི་མངའ་ཁོངས་སུ་ལྷ་ས་གྲོང་ཁྱེར་དང་། གཞིས་ཀ་རྩེ་ས་ཁུལ། ཆབ་མདོ་ས་ཁུལ། ལྷོ་ཁ་ས་ཁུལ། ཉིང་ཁྲི་ས་ཁུལ། ནག་ཆུ་ས་ཁུལ། མངའ་རིས་ས་ཁུལ་བཅས་ས་ཁུལ་དྲུག་ཡོད་ལ། བོད་ལྗོངས་སུ་ཐེངས་དྲུག་པའི་རྒྱལ་ཡོངས་ཀྱི་མི་གྲངས་རྩིས་བཤེར་བྱས་པའི་གྲངས་ཀ་ལྟར་ན་བོད་ལྗོངས་ཀྱི་རྒྱུན་སྡོད་མི་གྲངས་ཁྲི༣༠༠.༢༢ཀྱི་ཁྲོད་བོད་རིགས་དང་གྲངས་ཉུང་མི་རིགས་གཞན་གྱི་མི་གྲངས་ཁྲི༢༧༥.༦༩ཡོད་པ་དེས་སྤྱིའི་མི་གྲངས་ཀྱི༩༡.༨༣%ཟིན་ཡོད་པ་རེད།

༡.ལྷ་ས་གྲོང་ཁྱེར།

བོད་རང་སྐྱོང་ལྗོངས་སྲིད་གཞུང་གི་སྡོད་གནས་ལྷ་ས་ན་ཡོད་པ་དང་། གྲོང་ཁྱེར་ཡོངས་ཀྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི༣ཡོད། དེའི་ཁྲོད་གྲོང་ཁྱེར་སྡོད་ཁུལ་གྱི་རྒྱ་ཁྱོན་ལ་སྤྱི་ལེ་གྲུ་བཞི་མ༥༩ཡོད། མངའ་ཁོངས་སུ་འདམ་གཞུང་དང་། སྟོད་ལུང་བདེ་ཆེན། ཆུ་ཤུར། མལ་གྲོ་གོང་དཀར། སྟག་རྩེ། སྙེ་མོ། ལྷུན་གྲུབ་བཅས་རྫོང་ཁག༧ཡོད་པ་རེད།

གྲོང་ཁྱེར་ཡོངས་ཀྱི་སྤྱིའི་མི་གྲངས་ཁྲི༥༥ལ་ཉེ་བ་དང་། དེའི་ཁྲོད་གྲོང་ཁྱེར་སྡོད་ཁུལ་དུ་ཡོད་པའི་མི་གྲངས་ཁྲི༢༧ལ་ཉེ།  ལྷ་ས་གྲོང་ཁྱེར་དུ་བོད་རིགས་དང་། རྒྱ་རིགས། ཧུད་རིགས་སོགས་མི་རིགས༣༡ཡོད་ཅིང་། བོད་རིགས་མི་གྲངས་ཀྱིས་ལྷ་ས་གྲོང་ཁྱེར་ཡོངས་ཀྱི་སྤྱིའི་མི་གྲངས་ཀྱི༨༧%ཟིན་ཡོད་པ་རེད།

༢.ཆབ་མདོ་ས་ཁུལ།

བོད་ལྗོངས་ཀྱི་ཤར་སྒོ་ལྟ་བུར་ཆགས་པའི་ཆབ་མདོའི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི༡༡ཡོད་པ་དང་། ས་གནས་སྲིད་གཞུང་གི་སྡོད་གནས་ཆབ་མདོ་རྫོང་དུ་ཡོད། མངའ་ཁོངས་སུ་ཆབ་མདོ་དང་། འཇོ་མདའ། གོ་འཇོ། རི་བོ་ཆེ། སྟེང་ཆེན། བྲག་གཡབ། དཔའ་ཤོད། མཛོ་སྒང་། སྨར་ཁམས། ལྷོ་རོང་། དཔའ་འབར་བཅས་རྫོང་ཁག༡༡ཡོད་པ་རེད།

སྤྱིའི་མི་གྲངས་ཁྲི༥༥ཡི་ཁྲོད་བོད་རིགས་མི་གྲངས་ཀྱིས་སྤྱིའི་མི་གྲངས་ཀྱི༩༨.༢༦%ཟིན་ཡོད་པ་དང་། དེར་བོད་རིགས་དང་། རྒྱ་རིགས། འཇང་རིགས། ལྷོ་པ། མོན་པ་སོགས་མི་རིགས༢༡ཡོད།

༣.མངའ་རིས་ས་ཁུལ།

བོད་ལྗོངས་ཀྱི་ནུབ་ཕྱོགས་སུ་ཡོད་པའི་མངའ་རིས་ས་ཁུལ་གྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི༣༠ལྷག་ཡོད་པ་དང་། ས་གནས་སྲིད་གཞུང་གི་སྡོད་གནས་སྒར་རྫོང་སེང་གེ་ཁ་འབབ་གྲོང་རྡལ་དུ་ཡོད། མངའ་ཁོངས་སུ་སྒར་རྫོང་དང་། སྤུ་ཧྲིང་། རྩ་མདའ་། རུ་ཐོག དགེ་རྒྱས། སྒེར་རྩེ། མཚོ་ཆེན་བཅས་རྫོང༧དང་། ཡུལ་ཚོ་དང་གྲོང་རྡལ༣༦  སྡེ་བ༡༤༤བཅས་ཡོད།

མངའ་རིས་ས་ཁུལ་ཡོངས་སུ་མི་གྲངས་ཁྲི༨ཡོད་པའི་ཁྲོད་བོད་རིགས་མི་གྲངས་ཀྱིས་སྤྱིའི་མི་གྲངས་ཀྱི༩༥%ཡན་ཟིན་ཡོད་པ་རེད།

༤.ནག་ཆུ་ས་ཁུལ།

བོད་ལྗོངས་ཀྱི་བྱང་ཕྱོགས་སུ་ཡོད་པའི་ནག་ཆུ་ས་ཁུལ་གྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི༤༢ཡོད་པ་དང་། ས་གནས་སྲིད་གཞུང་གི་སྡོད་གནས་ནག་ཆུ་རྫོང་དུ་ཡོད། མངའ་ཁོངས་སུ་ནག་ཆུ་དང་། ཨ་མདོ། ལྷ་རི།   ཉི་མ། སྙན་རོང་། འབྲི་རུ། ཤན་རྩ། སོག་རྫོང་། དཔལ་མགོན། སྦྲ་ཆེན་བཅས་རྫོང་ཁག༡༠དང་། མཚོ་གཉིས་དམིགས་བསལ་སྲིད་འཛིན་ས་ཁུལ་གཅིག ཡུལ་ཚོ་དང་གྲོང་རྡལ༡༡༤ གྲོང་མི་ཨུ་ཡོན་ལྷན་ཁང༡༤ སྡེ་མི་ཨུ་ཡོན་ལྷན་ཁང ༡༢༨༣བཅས་ཡོད་པ་རེད།

སྤྱིའི་མི་གྲངས་ཁྲི༣༩ཡི་ཁྲོད་བོད་རིགས་མི་གྲངས་ཁྲི༣༢.༦༩ཡོད་པ་དང་། དེས་སྤྱིའི་མི་གྲངས་ཀྱི༩༨.༨༦%ཟིན་ཡོད་པ་རེད།

༥.ཉིང་ཁྲི་ས་ཁུལ།

བོད་ལྗོངས་ཀྱི་ཤར་ལྷོ་ཕྱོགས་སུ་ཡོད་པའི་ཉིང་ཁྲི་ས་ཁུལ་གྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི༡༡.༧ཡོད་པ་དང་། ས་གནས་སྲིད་གཞུང་གི་སྡོད་གནས་བརྒྱད་གཅིག་གྲོང་རྡལ་དུ་ཡོད། མངའ་ཁོངས་སུ་ཉིང་ཁྲི་དང་། སྨན་གླིང་། ཀོང་པོ་རྒྱ་མདའ་། མེ་ཏོག སྤོ་བོ། རྫ་ཡུལ། སྣང་རྫོང་བཅས་རྫོང་ཁག་བདུན་ཡོད།

སྤྱིའི་མི་གྲངས་ཁྲི༡༧.༣གྱི་ཁྲོད་བོད་རིགས་མི་གྲངས་ཁྲི༡༡ལྷག་ཡོད་པ་དང་། དེས་སྤྱིའི་མི་གྲངས་ཀྱི༩༠%ཡན་ཟིན་ཡོད་པ་རེད། ཉིང་ཁྲི་ས་ཁུལ་དུ་བོད་རིགས་དང་། རྒྱ་རིགས། ལྷོ་པ། འཇང་རིགས། ཧུད་རིགས་སོགས་མི་རིགས༡༠ཡོད། མེ་ཏོག་རྫོང་མ་གཏོགས་གཞན་པའི་རྫོང་དྲུག་གི་སྡོད་དམངས་ཁྲོད་གཙོ་བོ་བོད་རིགས་ཡིན།

༦.ལྷོ་ཁ་ས་ཁུལ།

གངས་ཏི་སེ་ནས་གཉན་ཆེན་ཐང་ལྷའི་ལྷོ་ཕྱོགས་སུ་ཡོད་པའི་ལྷོ་ཁ་ས་ཁུལ་གྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི༧.༩༧ཡོད་པ་དང་། ས་གནས་སྲིད་གཞུང་གི་སྡོད་གནས་སྣེ་གདོང་ན་ཡོད། མངའ་ཁོངས་སུ་སྣེ་གདོང་དང་། གྲ་ནང་། གོང་དཀར། ཟངས་རི། འཕྱོངས་རྒྱས། ཆུ་གསུམ། མཚོ་སྨད། ལྷོ་བྲག རྒྱ་ཚ། ལྷུན་རྩེ། མཚོ་སྣ། སྣ་དཀར་རྩེ་བཅས་རྫོང༡༢ཡོད་པ་རེད། སྤྱིའི་མི་གྲངས་ཁྲི༣༡.༨ཀྱི་ཁྲོད་བོད་རིགས་ཀྱིས༩༦%ཟིན་ཡོད་ལ། ལྷོ་ཁ་ས་ཁུལ་དུ་བོད་རིགས་དང་། རྒྱ་རིགས། མོན་པ། ལྷོ་པ་སོགས་མི་རིགས༡༤ཡོད།

༧.གཞིས་ཀ་རྩེ་ས་ཁུལ།

བོད་ལྗོངས་ཀྱི་ལྷོ་ནུབ་ཕྱོགས་སུ་ཡོད་པའི་གཞིས་ཀ་རྩེ་ས་ཁུལ་གྱི་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི༡༨.༢ཡོད་པ་དང་། ས་གནས་སྲིད་གཞུང་གཞིས་ཀ་རྩེ་གྲོང་ཁྱེར་དུ་ཡོད། མངའ་ཁོངས་སུ་གཏིང་སྐྱེས་དང་། ས་སྐྱ། ལྷ་རྩེ། དིང་རི། གཉའ་ནང་རྫོང་། སྐྱིད་གྲོང་རྫོང་། འབྲོང་པ། ས་དགའ། ངམ་རིང་། བཞད་མཐོང་སྨོན། རྣམ་གླིང་། རིན་སྤུངས། པ་སྣམ། རྒྱལ་རྩེ། ཁང་དམར། གམ་པ། གྲོ་མོ་བཅས་རྫོང༡༧དང་། གྲོང་རྡལ༢༧ ཡུལ་ཚོ༡༧༤བཅས་ཡོད་པ་རེད།

སྤྱིའི་མི་གྲངས་ཁྲི༦༣གྱི་ཁྲོད་བོད་རིགས་ཀྱིས་སྤྱིའི་མི་གྲངས་ཀྱི༩༧%ཟིན་པ་དང་། དེ་ལས་གཞན་ཤར་པའི་མི་གྲངས༡༨༧༥ཡོད་པ་རེད། གཞིས་ཀ་རྩེ་ས་ཁུལ་དུ་བོད་རིགས་དང་། རྒྱ་རིགས། སོག་རིགས། མན་ཇུ་རིགས། མའོ་རིགས་སོགས་མི་རིགས༡༥ཡོད།

མཚོ་སྔོན།

མཚོ་སྔོན་ཞིང་ཆེན་གྱི་མངའ་ཁོངས་སུ་ཟི་ལིང་གྲོང་ཁྱེར་དང་།  མཚོ་ཤར་ས་ཁུལ། མཚོ་ལྷོ་ཁུལ། མཚོ་ནུབ་ཁུལ། མཚོ་བྱང་ཁུལ། མགོ་ལོག་ཁུལ། ཡུལ་ཤུལ་ཁུལ། རྨ་ལྷོ་ཁུལ་བཅས་ལས་བོད་རིགས་རང་སྐྱོང་ཁུལ་དྲུག་ཡོད། མཚོ་སྔོན་ཞིང་ཆེན་གྱི་ཐེངས་དྲུག་པའི་རྒྱལ་ཡོངས་ཀྱི་མི་གྲངས་རྩིས་བཤེར་བྱས་པའི་གྲངས་ཀ་ལྟར་ན་མཚོ་སྔོན་གྱི་སྤྱིའི་མི་གྲངས༥༦༢༦༧༢༢ཀྱི་ཁྲོད་བོད་རིགས་མི་གྲངས༡༣༧༥༠༦༢ཡོད་པ་དང་། དེས་སྤྱིའི་མི་གྲངས་ཀྱི༢༤.༤༤%ཟིན་ཡོད་པ་རེད།

༡.ཟི་ལིང་གྲོང་ཁྱེར།

མཚོ་སྔོན་ཞིང་ཆེན་གྱི་སྲིད་གཞུང་སྡོད་གནས་ཟི་ལིང་དུ་ཡོད་པ་དང་། གྲོང་ཁྱེར་ཡོངས་ཀྱི་སྤྱིའི་རྒྱ་ཁྱོན་སྤྱི་ལེ་གྲུ་བཞི་མ༧༦༦༥ཡི་ཁྲོད་གྲོང་ཁྱེར་སྡོད་ཁུལ་གྱི་རྒྱ་ཁྱོན་སྤྱི་ལེ་གྲུ་བཞི་མ༣༥༠དང་། གྲོང་ཁྱེར་འཛུགས་སྐྲུན་ཁུལ་གྱི་རྒྱ་ཁྱོན་ལ་སྤྱི་ལེ་གྲུ་བཞི་མ༧༥ཡོད། མངའ་ཁོངས་སུ་ཤར་གྲོང་དང་། དབུས་གྲོང་། ནུབ་གྲོང་། བྱང་གྲོང་བཅས་གྲོང་ཁྱེར་གྱི་ཁུལ་བཞི་དང་། གསེར་ཁོག ཙོང་ཁ། སྟོང་སྐོར་བཅས་རྫོང་གསུམ། དེ་མ་ཟད་འཛུགས་སྐྲུན་བྱེད་བཞིན་པའི་ཟི་ལིང་གྲོང་ཁྱེར་དཔལ་འབྱོར་ལག་རྩལ་གསར་སྤེལ་ཁུལ༼རྒྱལ་ཁབ་རིམ་པ༽དང་། ལྷོ་གྲོང་ཁུལ་གསར། ཧའེ་ཧུའུ་ཁུལ་གསར་བཅས་འདུས་པ་རེད།

གྲོང་ཁྱེར་ཡོངས་སུ་རྒྱུན་སྡོད་མི་གྲངས་ཁྲི༢༢༠.༨༧༠༨ཀྱི་ཁྲོད་གྲངས་ཉུང་མི་རིགས་ཀྱི་མི་གྲངས༥༧༣༤༩༡ཡོད་ཅིང་། དེས་སྤྱིའི་མི་གྲངས་ཀྱི༢༥.༩༦%ཟིན་པ་དང་། བོད་རིགས་མི་གྲངས༡༢༡༦༦༧ཡོད་ལ། དེས་སྤྱིའི་མི་གྲངས་ཀྱི༥.༥༡%ཟིན་ཡོད་པ་རེད། ཟི་ལིང་དུ་རྒྱ་རིགས་དང་། ཧུད་རིགས། བོད་རིགས། ཧོར་རིགས་སོགས་མི་རིགས༣༤ཡོད།

༢.མཚོ་ཤར་ས་ཁུལ།

མཚོ་སྔོན་པོའི་ཤར་ཕྱོགས་སུ་ཡོད་པའི་མཚོ་ཤར་ས་ཁུལ་གྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི༡༢༨༠༡ཡོད་པ་དང་། ས་གནས་སྲིད་གཞུང་གི་སྡོད་གནས་དམར་གཙང་རྫོང་དམར་གཙང་གྲོང་རྡལ་དུ་ཡོད། མངའ་ཁོངས་སུ་དམར་གཙང་དང་། གྲོ་ཚང་། དགོན་ལུང་ཧོར་རིགས་རང་སྐྱོང་རྫོང་། གཞོང་ཐང་ངམ་མཛོ་མོ་ཧུད་རིགས་རང་སྐྱོང་རྫོང་། བར་ལུང་ཧུད་རིགས་རང་སྐྱོང་རྫོང་། ཡ་རྫི་ས་ལར་རིགས་བཅས་རྫོང་ཁག་དྲུག་དང་། གྲོང་རྡལ་དང་ཡུལ་ཚོ༡༥༠ སྡེ་བ༡༨༠བཅས་ཡོད།

སྤྱིའི་མི་གྲངས་ཁྲི༡༤༧༼༢༠༠༤ལོ༽ཡོད་པའི་ཁྲོད་གཙོ་བོ་རྒྱ་རིགས་དང་། གཞན་ཧུད་རིགས། བོད་རིགས། ཧོར་རིགས། ས་ལར་རིགས་སོགས་མི་རིགས་མང་པོ་འདུས་སྡོད་བྱས་ཡོད།

༣.ཡུལ་ཤུལ་བོད་རིགས་རང་སྐྱོང་ཁུལ།

མཚོ་སྔོན་ཞིང་ཆེན་གྱི་ལྷོ་ནུབ་དང་རྨ་འབྲི་རྫ་གསུམ་གྱི་འབྱུང་ཡུལ་དུ་མངའ་བའི་ཡུལ་ཤུལ་ཁུལ་གྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི༢༦.༧ཡོད་པ་དང་། ཁུལ་སྲིད་གཞུང་སྡོད་གནས་ཡུལ་ཤུལ་རྫོང་དུ་ཡོད་། མངའ་ཁོངས་སུ་ཡུལ་ཤུལ་དང་། ཁྲི་འདུ། ནང་ཆེན། རྫ་སྟོད། འབྲི་སྟོད། ཆུ་དམར་ལེབ་བཅས་རྫོང་ཁག༦དང་། གྲོང་རྡལ༡༠ ཡུལ་ཚོ༣༥ སྡེ་བ༢༥༧བཅས་ཡོད་པ་རེད།

སྤྱིའི་མི་གྲངས་ཁྲི༢༨.༣༡གི་ཁྲོད་བོད་རིགས་མི་གྲངས་ཁྲི༢༦.༩༨ཡོད། དེས་སྤྱིའི་མི་གྲངས་ཀྱི༩༥.༣%ཟིན་ཡོད་པ་རེད།

༤.མཚོ་ལྷོ་བོད་རིགས་རང་སྐྱོང་ཁུལ།

མཚོ་སྔོན་ཞིང་ཆེན་གྱི་བྱང་ཤར་དང་མཚོ་སྔོན་པོའི་ལྷོ་ཕྱོགས་སུ་ཡོད་པའི་མཚོ་ལྷོ་ཁུལ་གྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི༤.༦ཡོད་པ་དང་། ཁུལ་སྲིད་གཞུང་གསེར་ཆེན་རྫོང་ཆབ་ཆ་གྲོང་རྡལ་དུ་ཡོད། སྲིད་འཛིན་མངའ་ཁོངས་སུ་གསེར་ཆེན་རྫོང་དང་། ཁྲི་ཀ་རྫོང་། མང་རྫོང་། འབའ་རྫོང་། བྲག་དཀར་རྫོང་བཅས་རྫོང༥དང་། ཡུལ་ཚོ་དང་གྲོང་རྡལ༤༡བཅས་ཡོད་པ་རེད།

༢༠༠༩ལོའི་ལོ་མཇུག་བར་དུ་སྤྱིའི་མི་གྲངས་ཁྲི༤༤.༩༢ཡོད་པ་དང་། དེའི་ཁྲོད་བོད་རིགས་མི་གྲངས་ཁྲི༢༨.༢༨ཡོད་ཅིང་སྤྱིའི་མི་གྲངས་ཀྱི༦༢.༩༥%ཟིན་ཡོད་པ་རེད།

༥.མགོ་ལོག་བོད་རིགས་རང་སྐྱོང་ཁུལ།

མཚོ་སྔོན་ཞིང་ཆེན་གྱི་ཤར་ལྷོའི་ཕྱོགས་སུ་ཡོད་པའི་མགོ་ལོག་ཁུལ་གྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི༧.༨ཡོད་པ་དང་། ཁུལ་སྲིད་གཞུང་སྡོད་གནས་རྨ་ཆེན་རྫོང་དུ་ཡོད། མངའ་ཁོངས་སུ་རྨ་ཆེན་དང་། རྨ་སྟོད། དགའ་སྡེ། དར་ལག  པད་མ།  གཅིག་སྒྲིལ་བཅས་རྫོང༦དང་། ཡུལ་ཚོ་དང་གྲོང་རྡལ༥༡ འབྲོག་སྡེ༡༨༣ཡོད་པ་རེད།

སྤྱིའི་མི་གྲངས་ཁྲི༡༥.༣༦གི་ཁྲོད་བོད་རིགས་མི་གྲངས་ཁྲི༡༡.༩༤དང་། དེས་སྤྱིའི་མི་གྲངས་ཀྱི༩༠.༩༥% ཟིན་ཡོད་པ་རེད།

༦.མཚོ་ནུབ་སོག་རིགས་བོད་རིགས་རང་སྐྱོང་ཁུལ།

མཚོ་སྔོན་ཞིང་ཆེན་གྱི་ནུབ་ཕྱོགས་སུ་ཡོད་པའི་མཚོ་ནུབ་ཁུལ་གྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི༣༨.༥༨ཡོད་པ་དང་། ཁུལ་སྲིད་གཞུང་སྡོད་གནས་གཏེར་ལེན་ཁ་གྲོང་ཁྱེར་དུ་ཡོད། སྲིད་འཛིན་མངའ་ཁོངས་སུ་དུར་ལམ་རྫོང་དང་། བོས་ལ་རྫོང་། ཐེམ་ཆེན་རྫོང་། ན་གོར་མོ་གྲོང་ཁྱེར།  གཏེར་ལེན་ཁ་གྲོང་ཁྱེར། སྲིད་འཛིན་ཨུ་ཡོན་ལྷན་ཁང་གསུམ་སྟེ་མཱང་ནེ་དང་། ལིན་ཧུའུ། ཚ་འདམ་ཆེ་བ་བཅས་ཡོད་པ་རེད།

ཁུལ་ཡོངས་ཀྱི་སྤྱིའི་མི་གྲངས་ཁྲི༣༢.༢༦གི་ཁྲོད་གྲངས་ཉུང་མི་རིགས་ཀྱི་མི་གྲངས་ལ་ཁྲི༧.༩༡ཡོད་ཅིང་། དེས་སྤྱིའི་མི་གྲངས་ཀྱི༢༤.༨༥%ཟིན་པ་དང་། བོད་རིགས་མི་གྲངས་ཁྲི༣.༦༧ཡོད་ཅིང་དེས་སྤྱིའི་མི་གྲངས་ཀྱི༡༡.༤%ཟིན་ཡོད། དེ་ལས་གཞན་སོག་རིགས་མི་གྲངས་ཁྲི༢.༤༢ཡོད་ཅིང་སྤྱིའི་མི་གྲངས་ཀྱི༧.༥%ཟིན་ཡོད། མཚོ་ནུབ་ཁུལ་དུ་རྒྱ་རིགས་དང་། སོག་རིགས། བོད་རིགས་སོགས་མི་རིགས༢༩འདུས་སྡོད་བྱས་ཡོད།

༧.མཚོ་བྱང་བོད་རིགས་རང་སྐྱོང་ཁུལ།

མཚོ་སྔོན་ཞིང་ཆེན་གྱི་བྱང་ཤར་ཕྱོགས་སུ་ཡོད་པའི་མཚོ་བྱང་ཁུལ་གྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི༣.༤༧ཡོད་པ་དང་། ཁུལ་སྲིད་གཞུང་མདའ་གཞི་རྫོང་ནུབ་མཚོ་གྲོང་རྡལ་དུ་ཡོད། སྲིད་འཛིན་མངའ་ཁོངས་སུ་མདའ་གཞི་དང་། ཨ་རིག རྐང་ཚ། རྒྱ་རྡོར་ཧུད་རིགས་རང་སྐྱོང་རྫོང་བཅས་རྫོང་བཞི་ཡོད་པ་རེད།

༢༠༠༤ལོར་ཁུལ་ཡོངས་ཀྱི་སྤྱིའི་མི་གྲངས་ཁྲི༢༧གྱི་ཁྲོད་བོད་རིགས་མི་གྲངས་ཁྲི༦.༢༢ཡོད་པ་དང་། སྤྱིའི་མི་གྲངས་ཀྱི༢༣.༡%ཟིན་ཡོད།

༨.རྨ་ལྷོ་བོད་རིགས་རང་སྐྱོང་ཁུལ།

མཚོ་སྔོན་ཞིང་ཆེན་གྱི་ཤར་ལྷོའི་ཕྱོགས་སུ་ཡོད་པའི་རྨ་ལྷོའི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི༡.༨༨ཡོད་པ་དང་། ཁུལ་སྲིད་གཞུང་རེབ་གོང་རྫོང་རོང་བོ་གྲོང་རྡལ་དུ་ཡོད། སྲིད་འཛིན་མངའ་ཁོངས་སུ་རེབ་གོང་དང་། གཅན་ཚ། རྩེ་ཁོག རྨ་ལྷོ་སོག་རྫོང་བཅས་རྫོང་བཞི་དང་། ཡུལ་ཚོ༢༨ གྲོང་རྡལ༧བཅས་ཡོད་པ་རེད།

སྤྱིའི་མི་གྲངས་ཁྲི༢༡.༢༥ཡི་ཁྲོད་གྲངས་ཉུང་མི་རིགས་ཀྱི་མི་གྲངས་ཀྱིས་སྤྱིའི་མི་གྲངས་ཀྱི༩༢.༡༩%དང་། དེ་ལས་བོད་རིགས་ཀྱིས༦༥.༩༤%དང་།  སོག་རིགས་ཀྱིས༡༣.༥༡% དང་། རྒྱ་རིགས་ཀྱིས༧.༩༣%དང་།  ཧུད་རིགས་ཀྱིས༧.༨༦དང་།  ཧོར་རིགས་ཀྱིས༤.༦%དང་།   ཟ་ལར་རིགས་ཀྱིས༠.༢༨%བཅས་ཟིན་ཡོད་པ་རེད། རྨ་ལྷོ་ཁུལ་དུ་བོད་རིགས་དང་། སོག་རིགས། རྒྱ་རིགས། ཟ་ལར་རིགས། པའོ་ཨན་རིགས་སོགས་མི་རིགས༡༥འདུས་སྡོད་བྱས་ཡོད་པ་རེད།

སི་ཁྲོན།

སི་ཁྲོན་ཞིང་ཆེན་གྱི་མངའ་ཁོངས་སུ་བོད་རིགས་འཚོ་སྡོད་བྱས་ཡོད་པའི་ས་ཁུལ་གཙོ་བོ་དཀར་མཛེས་བོད་རིགས་རང་སྐྱོང་ཁུལ་དང་རྔ་བ་བོད་རིགས་རང་སྐྱོང་ཁུལ་བཅས་ཁུལ་གཉིས་དང་། མུ་ལི་བོད་རིགས་རང་སྐྱོང་རྫོང་གཅིག་བཅས་ཡིན།

༡.དཀར་མཛེས་བོད་རིགས་རང་སྐྱོང་ཁུལ།

སི་ཁྲོན་ཞིང་ཆེན་གྱི་ནུབ་ཕྱོགས་དང་མཚོ་བོད་མཐོ་སྒང་གི་ཤར་ལྷོའི་ཕྱོགས་སུ་ཡོད་པའི་དཀར་མཛེས་བོད་རིགས་རང་སྐྱོང་ཁུལ་གྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ༡༥.༢༦ཡོད་པ་དང་། ཁུལ་སྲིད་གཞུང་དར་རྩེ་མདོ་རྫོང་དུ་ཡོད། སྲིད་འཛིན་མངའ་ཁོངས་སུ་དར་རྩེ་མདོ་དང་། ལྕགས་ཟམ། རོང་བྲག བརྒྱད་ཟིལ། ཉག་ཆུ། རྟའུ། བྲག་མགོ དཀར་མཛེས། ཉག་རོང་། སྡེ་དགེ དཔལ་ཡུལ། སེར་ཤུལ། གསེར་རྟ། ལི་ཐང་། འབའ་ཐང་། ཆ་འཕྲིན་ནམ་ཕྱག་ཕྲེང་། འདབ་པ། སྡེ་རོང་བཅས་རྫོང་ཁག༡༨དང་། ཡུལ་ཚོ༼གྲོང་རྡལ༽༣༢༥  སྲིད་འཛིན་སྡེ་བ༢༤༥༨ཡོད་པ་རེད།

༢༠༡༡ལོའི་ལོ་མཇུག་བར་དུ་ཁུལ་ཡོངས་ཀྱི་སྤྱིའི་མི་གྲངས་ཁྲི༡༠༩.༡༨ཀྱི་ཁྲོད་བོད་རིགས་མི་གྲངས་ཁྲི༨༥.༤༩ཡོད་པ་དང་། དེས་སྤྱིའི་མི་གྲངས་ཀྱི༧༨.༣%ཟིན་ཡོད་པ་རེད།

༢.རྔ་བ་བོད་རིགས་ཆང་རིགས་རང་སྐྱོང་ཁུལ།

སི་ཁྲོན་ཞིང་ཆེན་གྱི་ནུབ་བྱང་ཕྱོགས་སུ་ཡོད་པའི་རྔ་བ་ཁུལ་གྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ༨.༤༢ཡོད་པ་དང་། ཁུལ་སྲིད་གཞུང་འབར་ཁམས་རྫོང་དུ་ཡོད། སྲིད་འཛིན་མངའ་ཁོངས་སུ་འབར་ཁམས་དང་། ཆུ་ཆེན། བཙན་ལྷ། རྔ་བ། མཛོད་དགེ། ཁྱུང་ཆུའམ་སྨེ་བ། འཛམ་ཐང་། ཁྲོ་ཚ། བཀྲ་ཤིས་གླིང་། མོང་། ཟིང་ཆུ། གཟི་ཚ་སྡེ་དགུ། ཁྲོ་ཆུ་བཅས་རྫོང༡༣དང་། ཡུལ་ཚོ་དང་གྲོང་རྡལ༢༢༤  སྡེ་བ༡༣༥༡ཡོད་པ་རེད།

༢༠༡༠ལོའི་ལོ་མཇུག་ཏུ་སྤྱིའི་མི་གྲངས་ཁྲི༨༩.༨༨ཀྱི་ཁྲོད་བོད་རིགས་ཀྱིས་སྤྱིའི་མི་གྲངས་ཀྱི༥༦.༦% ཟིན་ཡོད་པ་རེད།

༣.སི་ཁྲོན་ལིང་ཧྲན་དབྱིས་རིགས་རང་སྐྱོང་ཁུལ་མུ་ལི་བོད་རིགས་རང་སྐྱོང་རྫོང་།

སི་ཁྲོན་ཞིང་ཆེན་གྱི་ལྷོ་ནུབ་ཕྱོགས་སུ་ཡོད་པའི་མུ་ལི་རྫོང་གི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི༡.༣ཡོད་ལ། མངའ་ཁོངས་སུ་བཟོ་ཨུ༣དང་། གྲོང་རྡལ༡དང་། ཡུལ་ཚོ༢༨དང་། ཕྱུགས་ར༩དང་། སྡེ་བ༡༡༢ལ་སྡེ་མིའི་ཚན་ཆུང༦༠༤བཅས་ཡོད་པ་རེད།

༢༠༠༤ལོར་རྫོང་ཡོངས་ཀྱི་སྤྱིའི་མི་གྲངས་ཁྲི༡༣གྱི་ཁྲོད་བོད་རིགས་མི་གྲངས་ཁྲི༤.༣ཡོད་པ་དང་། དེས་སྤྱིའི་མི་གྲངས་ཀྱི༣༢.༨%ཟིན་ཡོད། མུ་ལི་རྫོང་དུ་བོད་རིགས་དང་། དབྱིས་རིགས། མའོ་རིགས། རྒྱ་རིགས་སོགས་མི་རིགས༡༧འདུས་སྡོད་བྱས་ཡོད།

ཀན་སུའུ།

ཀན་སུའུ་ཞིང་ཆེན་གྱི་མངའ་ཁོངས་སུ་བོད་རིགས་འཚོ་སྡོད་བྱས་ཡོད་པའི་ས་ཁུལ་གཙོ་བོ་ཀན་ལྷོ་བོད་རིགས་རང་སྐྱོང་ཁུལ་དང་། དཔའ་རིས་བོད་རིགས་རང་སྐྱོང་རྫོང་བཅས་ཡིན།

༡.ཀན་ལྷོ་བོད་རིགས་རང་སྐྱོང་ཁུལ།

ཀན་སུའུ་ཞིང་ཆེན་གྱི་ལྷོ་ནུབ་ཕྱོགས་སུ་ཡོད་པའི་ཀན་ལྷོའི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ༤.༥ཡོད་པ་དང་། ཁུལ་སྲིད་གཞུང་གཙོས་གྲོང་ཁྱེར་དུ་ཡོད། སྲིད་འཛིན་མངའ་ཁོངས་སུ་གཙོས་གྲོང་ཁྱེར་དང་། ཀླུ་ཆུ། རྨ་ཆུ། བསང་ཆུ། ཅོ་ནེ། ཐེ་བོ། བ་རྩེ། འབྲུག་ཆུ་བཅས་རྫོང༧དང་གྲོང་ཁྱེར༡ ཡུལ་ཚོ་དང་གྲོང་རྡལ༡༠༨ཡོད་པ་རེད།

 ཁུལ་ཡོངས་སུ་མི་རིགས༢༤དང་སྤྱིའི་མི་གྲངས་ཁྲི༦༨.༠༣ཡོད་པའི་ཁྲོད་བོད་རིགས་མི་གྲངས་ཁྲི༣༧.༨༥ཡོད་ལ། དེས་སྤྱིའི་མི་གྲངས་ཀྱི༥༥.༦%ཟིན་ཡོད་པ་རེད།

༢.ཝུའུ་ཝེ་གྲོང་ཁྱེར་དཔའ་རིས་བོད་རིགས་རང་སྐྱོང་རྫོང་།

ཀན་སུའུ་ཞིང་ཆེན་གྱི་དབུས་སུ་ཡོད་པའི་དཔའ་རིས་རྫོང་གི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི༧༡༤༩ཡོད་པ་དང་། མངའ་ཁོངས་སུ་རབ་རྒྱས་དགོན་དང་། བཀྲ་ཤིས་ལུང་བ། ཏཱ་བན། ཡར་ལུང་། སོལ་ཁུངས་ཉག་ག སེར་རྩིད། སྟག་ལུང་། ཕ་ཁྲི་བཅས་གྲོང་རྡལ༨ཡོད། སྟོན་བོན་དང་། སེ་ར་ལུང་། མཆོད་རྟེན་ཐང་། རྒྱ་ཡག ཤུག་ཁྱ། ཨ་རིག འདན་མ། དོར་ཞི། ཞྭ་དམར། བཀྲ་ཤིས་ཕྱུག་ལུང་། བདེ་གཡང་ཐང་བཅས་གྲོང་རྡལ༡༡ཡོད།

༢༠༠༥ལོའི་ལོ་མཇུག་ཏུ་རྫོང་ཡོངས་ལ་དུད་ཚང༥༣༨༧༡དང་མི་གྲངས་ཁྲི༢༡ཡོད།དེའི་ཁྲོད་གྲངས་ཉུང་མི་རིགས་ཀྱི་མི་གྲངས༨༢༧༠༢ཡོད་ཅིང་སྤྱིའི་མི་གྲངས་ཀྱི༣༨.༨༤%ཟིན་པ་དང། བོད་རིགས་མི་གྲངས་ཁྲི༦.༧༤ཡོད་པ་དང་སྤྱིའི་མི་གྲངས་ཀྱི༣༡.༦༤%ཟིན་པ་རེད། དེར་བོད་རིགས་དང་། རྒྱ་རིགས། ཧོར་རིགས། སོག་རིགས་སོགས་མི་རིགས༢༢འདུས་སྡོད་བྱས་ཡོད།

ཡུན་ནན།

ཡུན་ནན་ཞིང་ཆེན་གྱི་མངའ་ཁོངས་སུ་བོད་རིགས་འཚོ་སྡོད་བྱས་ཡོད་པའི་ས་ཁུལ་གཙོ་བོ་བདེ་ཆེན་བོད་རིགས་རང་སྐྱོང་ཁུལ་གཅིག་པུ་ཡིན།

བདེ་ཆེན་བོད་རིགས་རང་སྐྱོང་ཁུལ།

ཡུན་ནན་ཞིང་ཆེན་གྱི་ནུབ་བྱང་དུ་ཡོད་པའི་བདེ་ཆེན་བོད་རིགས་རང་སྐྱོང་ཁུལ་གྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ༢༣༨༧༠ཡོད་པ་དང་། ཁུལ་སྲིད་གཞུང་སེམས་ཀྱི་ཉི་ཟླ་རྫོང་རྒྱལ་སྟེང་གྲོང་རྡལ་དུ་ཡོད་པ་རེད། སྲིད་འཛིན་མངའ་ཁོངས་སུ་སེམས་ཀྱི་ཉི་ཟླ་རྫོང་དང་། འཇོལ་རྫོང་། འབའ་ལུང་ལི་སུའུ་རིགས་རང་སྐྱོང་རྫོང་བཅས་གསུམ་ཡོད་ལ། ཁུལ་ཡོངས་སུ་ཡུལ་ཚོ༼གྲོང་རྡལ༽༢༩དང་། སྲིད་འཛིན་སྡེ་བ༼དོན་གཅོད་ཁང༽༡༨༣ཡོད།

༢༠༠༧ལོའི་ལོ་མཇུག་ཏུ་ཁུལ་ཡོངས་ཀྱི་སྤྱིའི་མི་གྲངས་ཁྲི༣༧.༤༥ཡོད་པ་དང་། དེའི་ཁྲོད་བོད་རིགས་མི་གྲངས་ཁྲི༡༢.༦༦དང་སྤྱིའི་མི་གྲངས་ཀྱི༣༣.༨༡%ཟིན་ཡོད་པ་རེད།

གཞན་ཡུན་ནན་ཞིང་ཆེན་གྱི་གོང་ཧྲན་རྫོང་དང་ལི་ཅང་ས་ཁུལ། སི་ཁྲོན་ཞིང་ཆེན་གྱི་ཕིན་ཝའོ་རྫོང་དང་། པེ་ཁྲོན་རྫོང་། པའོ་ཞིན་རྫོང་། ཧྲི་མན་རྫོང་། ཀན་སུའུ་ཞིང་ཆེན་གྱི་ལུན་ནན་ཝུན་རྫོང་དང་། ཝའོ་ཏུའུ། མདོ་ལ་རི་རྒྱུད། ཞིན་ཅང་གི་པཱ་ཡིན་ཀའོ་ལིན་ཁུལ། ནང་སོག་གི་ཨ་ལ་ཧྲན་སོགས་སུ་ཡང་བོད་རིགས་འཚོ་སྡོད་བྱས་ཡོད་མོད། མི་གྲངས་ཅུང་ཉུང་བས་རེ་རེ་བཞིན་མི་བརྗོད་དོ། །

དྲ་བ་ལས་དྲངས།

              

发表评论 评论 (6 个评论)

回复 yjglasd741 2012-10-12 10:38
གྲོགས་པོ།རྒྱབ་སྑྱོར་ཡོད།
回复 月光下的朱峰 2012-10-12 14:46
yjglasd741: གྲོགས་པོ།རྒྱབ་སྑྱོར་ཡོད།
ཐུགས་རྗེ་ཆེ། ཁྱེད་རང་ངའི་པོད་ཁང་ནང་ཕེབས་པར་ཐུགས་རྗེ་ཆེ།།
回复 punga 2012-10-12 17:27
ཁྱེད་ཀྱི་འཕྲིན་སྒམ་འཇོག་དང་ངས་ཁྱེད་རང་ལ་བོད་ཁུལ་གྱི་ས་ཁྲ་ལེགས་པོ་འགའ་བསྐུར་འདོད།
回复 月光下的朱峰 2012-10-13 10:15
punga: ཁྱེད་ཀྱི་འཕྲིན་སྒམ་འཇོག་དང་ངས་ཁྱེད་རང་ལ་བོད་ཁུལ་གྱི་ས་ཁྲ་ལེགས་པོ་འགའ་བསྐུར་ ...
ཐུགས་རྗེ་ཆེ། ངའི་ཡིག་སྒམ་གྱི་ཨང་རྟགས་ནི་mimjb@cnr.cnཡིན། ཐུགས་རྗེ་ཆེ།
回复 tibet0972 2012-10-14 13:42
སྤུན་ཟླ།    བཀའ་དྲིན་ཆེ།
回复 Tseringsamdup 2012-10-15 19:07
ཧ་ཅང་བཟང་གི།  འདི་ལྟ་བུའི་གནས་ཚུལ་ནི་ང་ཚོ་ལ་དགོས་རྒྱུ་ཞིག་རེད།   ཐུགས་རྗེ་ཆེ་དྲ་གྲོགས་ལགས།

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2020-2-24 21:58 , Processed in 0.031457 second(s), 21 queries .

返回顶部