爱在路上 http://blog.tibetcul.com/?103073 [收藏] [复制] [分享] [RSS] བསམ་བློ་ཡག་ས་ནས་གཏོང་བ། གྲ་སྒྲིག་སྡུག་ས་ནས་བྱེད་པ།Think for the best, prepare for wors ...

日志

གལ་སྲིད་དེ་རིང་ནི་ཆེས་མཇུག་མཐའི་ཉིན་མོ་ད ...

已有 2431 次阅读2013-8-18 19:04 |系统分类:文学| ,

     གལ་སྲིད་དེ་རིང་ནི་ཆེས་མཇུག་མཐའི་ཉིན་མོ་དེ་ཡིན་ན།
               
                       ནོར་མཱ་ཁོ་ནེ་ཐུ.མ་རེ་ཁུ།༼ ཨ་རི ༽




གལ་སྲིད་ཁྱོད་རང་འདི་ལྟར་གཉིད་དུ་ཡུར་བ

ད་ཐེངས་མ་གཏོགས་མཐོང་མི་ཐུབ་པ་དེ་ཤེས་ཡོད་ན

ངས་ཁྱོད་ཀྱི་ལུས་ལ་མལ་ཐུལ་འགེབ་བཞིན

ལྷ་ལ་གསོལ་བ་བཏབ་སྟེ་ཁྱོད་ཀྱི་བླ་སྲོག་མི་འཁྱམས་པའི་རེ་བ་ཞུ་སྲིད

གལ་སྲིད་ཁྱོད་རང་འདི་ལྟར་སྒོའི་ཕྱི་རུ་ཆས་འགྲོ་བ
ད་ཐེངས་མ་གཏོགས་མཐོང་མི་ཐུབ་པ་དེ་ཤེས་ཡོད་ན
ང་ཁྱོད་ལ་འཐམས་ནས་འོ་བྱེད་སྲིད་ལ
ད་རུང་ཡང་དང་བསྐྱར་དུ་ཁྱོད་རང་ཚུར་བོས་ཡོང་སྟེ
ཡང་ཡང་འཐམས་ནས་གློད་མི་སྲིད
  
གལ་སྲིད་ཁྱོད་ཀྱི་དགའ་བའི་དགོད་སྒྲ་འདི
ད་ཐེངས་མ་གཏོགས་ཐོས་མི་ཐུབ་པ་ཤེས་ཡོད་ན
ངས་ཁྱོད་ཀྱི་བཟོ་ལྟ་དེ་བརྙན་ལ་ཕབ་སྟེ
ཉི་མ་རྟག་པར་ཡང་དང་བསྐྱར་དུ་བལྟ་ངེས
 
གལ་སྲིད་དེ་རིང་ནི་ཆེས་མཇུག་མཐའི་ཉིན་མོ་དེ་ཡིན་པ་ཤེས་ན
ངས་སྐད་ཅིག་ཙམ་གྱི་རིང་ཡིན་རུང
ང་རང་ཁྱོད་ལ་དགའ་བ་དེ
ཁྱོད་ཀྱིས་ཤེས་ཡོད་སྲིད་སྙམ་ནས་མི་འཇོག་པར
ཁྱོད་ལ་དགའ་ཞེས་བརྗོད་ངེས

དུས་རྟག་ཏུ་སང་ཉིན་བསླེབ་ཡོང་བར་རེ་སྒུག་བྱས་ཆོག
ཡིན་ནའང གལ་ཏེ་དེ་ནི་ངའི་འཁྲུལ་སྣང་དུ་གྱུར་ཏེ
དེ་རིང་ཡོད་ཚད་འཇིག་འགྲོ་བའི་དབང་དུ་བཏང་ན
ངས    དེ་རིང
ང་ཁྱོད་ལ་ཅི་ཙམ་དགའ་ནས་ཡོད་པ་ཁྱོད་ལ་བརྗོད་བཞིན
འུ་གཉིས་ཀྱི་བརྩེ་བའི་རི་མོ་འདི་ནམ་ཡང་སེམས་ལ་བརྐོ་སྲིད

གཞོན་སོ་དཀར་དང་རྒན་མགོ་དཀར་སུ་ཡིན་རུང
སང་ཉིན་ནི་ག་འདྲ་ཞིག་ཡིན་མིན་དེ་སུ་ཞིག་གིས་ཀྱང་མི་ཚོར་བས
ཁྱོད་ཀྱིས་དུང་བའི་མི་དེར་འཐམ་འཁྱུད་བྱས་པ་འདི
དེ་རིང་ནི་ཆེས་མཐའ་མ་རུ་འགྱུར་མི་སྲིད་པའི་ངེས་པ་ག་ལ་ཡོད

གལ་སྲིད་དེ་རིང་ནི་ཁྱོད་ཀྱི་ཆེས་མཇུག་མཐའི་ཉིན་མོ་དེ་ཡིན་ན
ཁྱོད་ཀྱིས་ཅིའི་ཕྱིར་སང་ཉིན་ལ་སྒུག་སྟེ་ཡོད་ཚད་སང་ཉིན་ལ་བཅོལ་དགོས་སམ
སང་ཉིན་མེད་པའི་དབང་དུ་བཏང་ན
དེ་རིང་མ་སྒྲུབ་པ་དེར་འགྱོད་པ་སྐྱེ་སྲིད

ཉིན་མོ་དེར་ཁྱོད་རང་བྲེལ་ཟིང་གི་ཀློང་དུ་འཐིམས་ཏེ
རང་ཉིད་དུང་བའི་མི་དེར་དགའ་བའི་འཛུམ་ཞིག་དང
བརྩེ་བའི་འཐམས་འཁྱུད་ཞིག
བྱམས་པའི་འོ་བྱས་ཏེ་
མི་དེའི་ཆེས་མཐའ་མའི་འདོད་བློ་ཙམ་ཡང་སྐོང་མ་ཐུབ་པ་ཅིའི་ཕྱིར

དེའི་ཕྱིར་དེ་རིང    
ཁྱོད་ཀྱིས་རང་ཉིད་སེམས་མཛའ་བའི་མི་དག
ཡ་ཐོད་ཀྱི་མིག་དང་ཡ་ཁོག་གི་སྙིང་ལྟར་གཅེས་དགོས་ལ
ད་རུང་དགའ་བའི་སེམས་རིས་བསྟན་དེ
ནམ་ཡིན་ཡང  ཁྱོད་ཀྱི་སེམས་ནང་ན་ཁོང་ཚོ་མིག་ལྟར་གཅེས་བ་བརྗོད་དགོས
རྣ་ལམ་དུ་ལྷད་མེད་ཀྱི་སྙིང་གཏམ་ཤབ་ཤུབ་རེ་རེ་ཟློ་བ་དང
དུས་རྟག་ཏུ་དགོངས་དག་ཞུ   གུ་ཡངས་གནང་རོགས  ཐུགས་རྗེ་ཆེ   སྐྱོན་མི་འདུག་ཅེས་བརྗོད་དགོས
དེ་ལྟར་བྱས་ཚེ  གལ་སྲིད་སང་ཉིན་གྱི་སྐྱ་མདའ་མ་ཤར་ནའང
དེ་རིང་ལ་ཁག་དཀྲི་མི་སྲིད་དོ
                 ༼ བུམ་པ་རྒྱལ་དང་ཨ་ཤུལ་ཚེ་རིང་སྐྱིད་ཀྱིས་བསྒྱུར ༽
 

评论 (0 个评论)

facelist doodle 涂鸦板

您需要登录后才可以评论 登录 | 注册

藏网首页|关于我们|团队组成|大事记|网站地图|广告服务|联系我们|小黑屋|Archiver|

tibetcul.com © Copyright 2004-2017. All rights reserved |陇ICP备05000171号

战略合作伙伴:雪域数码图书馆(The Tibetan & Himalayan Library)|法律顾问:珠穆朗玛律师事务所

严禁在本站发表与国家法律相抵触言论和散播谣言

Powered by Discuz! X3.2GMT+8, 2020-4-5 15:09 , Processed in 0.052839 second(s), 20 queries .

返回顶部